Reseı áskerleriniń bir bóligi «Soıýznaıa reshımost -2022» atty oqý-jattyǵýlary ótetin jerden turaqty ornalasatyn jerlerine oralýda, dep habarlady qorǵanys mınıstrliginiń baspasóz hatshysy Igor Konashenkov.
"Ońtústik jáne Batys áskerı okrýgteriniń bólimderi tapsyrmalaryn oryndap, temirjol jáne avtomobıl kóligine tıeýdi bastady jáne búginnen bastap olar ózderiniń áskerı garnızondaryna kóshe bastaıdy. Jeke bólimder áskerı kolonnalar quramynda óz betinshe sherýge shyǵady", - dedi ol.
Bir kún buryn prezıdent Vladımır Pýtınniń, syrtqy ister mınıstri Sergeı Lavrov jáne qorǵanys mınıstri Sersheı Shoıgýmen kezdesýi ótti. Olar Reseı men Belarýstiń áskerı manevrleri, sondaı-aq qaýipsizdik kepildigi boıynsha kelissózderdiń barysy jóninde talqylady.
Búgin Reseı áskerı vedomstvosy tehnıkanyń bir bóligin temirjol platformalaryna tıeý beınerolıkterin kórsetti. Beınejazbada tankter, jaıaý áskerlerdiń jaýyngerlik mashınalary men ózdiginen júretin artıllerııalyq qondyrǵylar, sondaı-aq modernızaııalanǵan T-72V3 kolonnasynyń qozǵalysynyń kadrlary kórsetilgen.
Keıbir bólimsheler áli de Belarýs aýmaǵynda qaldy.
Reseı-Belarýs manevrleri 10 aqpanda bastaldy. Qazir Odaqtyń reakııalyq kúshterin synaýdyń ekinshi kezeńi júrip jatyr, ol 20 aqpanǵa deıin jalǵasady. Maqsat – syrtqy agressııa men lańkestik shabýyldardyń kórinisin pysyqtaý. Reseı men Belarýs ókilderi manevrlerdiń qorǵanys sıpatynda ekenin jáne eshkimge qaýip tóndirmeıtinin birneshe ret málimdegen.
"Adyrna" ulttyq portaly
