قازىعۇرت اۋداندىق سوتى پارا الىپ جاتقان جەرىندە ۇستالعان مەملەكەتتىك كىرىستەر دەپارتامەنتىنىڭ بۇرىنعى قىزمەتكەرى، 1981 جىلى تۋعان سادىق راحيموۆقا قاتىستى ۇكىم شىعاردى. سالىق قىزمەتكەرى 2021 جىلدىڭ اقپان ايىندا ءوز كەڭسەسىندە پارامەن ۇستالدى، دەپ حابارلايدى "ادىرنا" سايتى.
جابىرلەنۋشى حابارلاعانداي، ول بارلىق قاجەتتى قۇجاتتاردى جيناپ، سوڭعى رۇقسات الۋ ءۇشىن ينسپەكتورعا قايتا-قايتا بارعان. الايدا شەنەۋنىك وعان ءمان بەرمەي، ۇنەمى باسقا ىستەرمەن اينالىستى. تەك ءبىر رەت دالىزدە ول جۇمىسسىز جىگىتكە تۇسپالداپ: قۇجاتتار پاكەتىندە جەتى مىڭدىق كونۆەرت جەتپەيدى دەپ مالىمدەگەن.
جۇمىسسىز جىگىت ءبارىن ءتۇسىنىپ، ەرتەسىنە وعان سىبايلاس جەمقورلىققا قارسى ءىس-قيمىل اگەنتتىگىنىڭ قىزمەتكەرلەرى وڭدەگەن بانكنوتتارى بار كونۆەرتكە ايتىلعان سوماسىن سالىپ بەرەدى.
سوتتا سالىق قىزمەتكەرى وزىنە جالا جابىلىپ، ارانداتۋشىلىقتىڭ قۇربانى بولىپ شىققانىن ايتىپ، كىناسىن تولىق مويىندادى.
الايدا سوت پارانى دالەلدى دەپ تاۋىپ، 25 ەسەلەنگەن 175 000 تەڭگە ايىپپۇل سالدى. سونىمەن قاتار، ەكس-شەنەۋنىك ءومىر بويىنا مەملەكەتتىك ورگانداردا بەلگىلى ءبىر لاۋازىمداردى اتقارۋ قۇقىعىنان ايىرىلادى.
ۇكىم ءالى زاڭدى كۇشىنە ەنگەن جوق.
"ادىرنا" ۇلتتىق پورتالى
