Qazyǵurt aýdandyq soty para alyp jatqan jerinde ustalǵan memlekettik kirister departamentiniń burynǵy qyzmetkeri, 1981 jyly týǵan Sadyq Rahımovqa qatysty úkim shyǵardy. Salyq qyzmetkeri 2021 jyldyń aqpan aıynda óz keńsesinde paramen ustaldy, dep habarlaıdy "Adyrna" saıty.
Jábirlenýshi habarlaǵandaı, ol barlyq qajetti qujattardy jınap, sońǵy ruqsat alý úshin ınspektorǵa qaıta-qaıta barǵan. Alaıda sheneýnik oǵan mán bermeı, únemi basqa istermen aınalysty. Tek bir ret dálizde ol jumyssyz jigitke tuspaldap: qujattar paketinde jeti myńdyq konvert jetpeıdi dep málimdegen.
Jumyssyz jigit bárin túsinip, ertesine oǵan Sybaılas jemqorlyqqa qarsy is-qımyl agenttiginiń qyzmetkerleri óńdegen banknottary bar konvertke aıtylǵan somasyn salyp beredi.
Sotta salyq qyzmetkeri ózine jala jabylyp, arandatýshylyqtyń qurbany bolyp shyqqanyn aıtyp, kinásin tolyq moıyndady.
Alaıda sot parany dáleldi dep taýyp, 25 eselengen 175 000 teńge aıyppul saldy. Sonymen qatar, eks-sheneýnik ómir boıyna memlekettik organdarda belgili bir laýazymdardy atqarý quqyǵynan aıyrylady.
Úkim áli zańdy kúshine engen joq.
"Adyrna" ulttyq portaly
