الماتى وبلىسىندا تەرگەۋ جانە ۋاقىتشا ۇستاۋ يزولياتورلارىنان 33 ادام بوساتىلدى، ونىڭ ىشىندە 8 كامەلەتكە تولماعان بالا اتا-اناسىنىڭ قامقورلىعىنا الىندى. بۇل باعىتتاعى جۇمىستار جالعاسۋدا. بۇل تۋرالى «Jetisy Media» الاڭىندا وتكەن ءباسپاسوز-ءماسليحاتىندا بەلگىلى بولدى، دەپ حابارلايدى "ادىرنا" ۇلتتىق پورتالى.
الماتى وبلىسىندا 88 ادام قاماۋدا وتىرسا، 60-نا قوعامنان وقشاۋلاۋمەن بايلانىستى ەمەس باسقا دا بۇلتارتپاۋ شارالارى تاڭدالدى.
بۇلتارتپاۋ شاراسى جەكە باسىن، جاسىن، دەنساۋلىق جاعدايىن، قاتىسۋ دارەجەسىن، ارەكەتكە قاتىناسىن جانە باسقا دا سيپاتتايتىن مالىمەتتەردى مۇقيات زەرتتەگەننەن كەيىن تاڭدالدى.
قاڭتار وقيعاسىنىڭ سالدارىنان وبلىس بويىنشا 758 ادام زارداپ شەكتى، ونىڭ ىشىندە 643-ءى پوليتسيا قىزمەتكەرى، 78-ءى اسكەريلەر، 37-ءسى بەيبىت تۇرعىندار، كوپشىلىگى جەڭىل جاراقاتتار الدى، ولاردىڭ ومىرىنە قاۋىپ ءتونىپ تۇرعان جوق.
«ءىس-ارەكەتتەرىندە اۋىرلاتاتىن ءمان-جايلار جوق ادامدارعا جازانى جەڭىلدەتۋ بولىگىندە مەملەكەت باسشىسىنىڭ تاپسىرماسىن ورىنداۋ ماقساتىندا شارالار قابىلدانۋدا. مۇندا ءاربىر قۇقىق بۇزۋشىعا جەكە ءمان بەرىپ وتىرمىز. سيپاتى مەن ساناتىنىڭ اۋىرلىعى باعالاندى»،- دەدى الماتى وبلىسى پروكۋرورىنىڭ مىندەتىن اتقارۋشى راشيد ءامىروۆ.
ايتا كەتەيىك، قاڭتار وقيعاسى بويىنشا بارلىعى 409 قىلمىستىق ءىس تەرگەلۋدە، ونىڭ 158-ءى ۇرلىق، 191-ءى قارۋدى زاڭسىز ساقتاۋ، 11-ءى تەرروريزم، 3-ءى جاپپاي تارتىپسىزدىك، 3-ءى كىسى ءولتىرۋ جانە ت.ب. قىلمىستار.
تەرگەۋ ناتيجەلەرى بويىنشا جەڭىلدەتۋ ماقساتىندا 93 اپەللياتسيالىق ءوتىنىشحات ەنگىزىلىپ، سوتپەن پروكۋروردىڭ اكتىلەرى قاناعاتتاندىرىلدى. 71 تۇلعا قاماۋدان بوساتىلدى، 22-نە ايىپپۇل ەسكەرتۋگە اۋىستىرىلدى. قازىرگى تاڭدا وبلىس بويىنشا اكىمشىلىك قاماۋدا وترىعان ادامدار جوق.
ەستەرىڭىزگە سالامىز، سىبايلاس جەمقورلىققا قارسى قىزمەتىمەن ازاپتاۋ فاكتىلەرىمەن 37 قىلمىستىق ءىس تەرگەلۋدە.
- جابىرلەنۋشىلەردىڭ وتىنىشتەرىندە قۇقىق قورعاۋ ورگاندارىنىڭ قىزمەتكەرلەرى "قاڭتارداعى وقيعالار" بويىنشا قىلمىستىق ىستەردى تەرگەۋ كەزىندە جابىرلەنۋشىلەرگە قاتىستى قىلمىس جاسادى دەپ تانۋ ماقساتىندا ازاپتاۋلار جاساعانى باياندالعان.پوليتسيا جانە باسقا دا قۇقىق قورعاۋ ورگاندارى قىزمەتكەرلەرىنىڭ ارەكەتتەرىنە قاتىستى قورعاۋشىلار، تۋىستارى، اتا-انالارى جانە جابىرلەنۋشىلەردىڭ وزدەرى ءوتىنىش ءبىلدىردى. سونىمەن قاتار، كۇن سايىن قاجەتتى تەرگەۋ ارەكەتتەرى جۇرگىزىلەتىن باق مونيتورينگى جۇرگىزىلەدى.قازىرگى ۋاقىتتا تەرگەۋدىڭ جان - جاقتىلىعىن قامتاماسىز ەتۋ ءۇشىن كۇن سايىن بىرقاتار تەرگەۋ امالدارى جۇرگىزىلۋدە، - دەدى سىبايلاس جەمقورلىققا قارسى قىزمەت دەپارتامەنتى باستىعىنىڭ ورىنباسارى دۋلات مادياروۆ.
"اتىس قارۋى زاڭسىز ساقتالعان ادام ونى ءوز ەركىمەن بەرگەن جاعدايدا، ەگەر ونىڭ ارەكەتتەرىندە وزگە قىلمىس قۇرامى بولماسا، قىلمىستىق جاۋاپتىلىقتان بوساتىلادى", - دەپ اياقتادى الماتى وبلىسى پد تەرگەۋ باسقارماسىنىڭ باستىعى رۋسلان چاراپيەۆ.
"ادىرنا" ۇلتتىق پورتالى
