ازامات ساتىبالدى عابيت مۇسىرەپوۆ اتىنداعى قازاق مەملەكەتتىك اكادەميالىق بالالار مەن جاسوسپىرىمدەر تەاترىنىڭ ديرەكتورى قىزمەتىنەن بوساتىلدى، دەپ حابارلايدى "ادىرنا" ۇلتتىق پورتالى. بۇل تۋرالى قر مادەنيەت جانە سپورت ءمينيسترى داۋرەن اباەۆ ءوزىنىڭ فەيسبۋك پاراقشاسىندا مالىمدەدى.
تەاتر ديرەكتورى بولىپ ەسەناليەۆ تالعات قامقابايۇلى تاعايىندالدى.
- الماتى قالاسىنا جاساعان ءىس-ساپار بارىسىندا عابيت مۇسىرەپوۆ اتىنداعى قازاق مەملەكەتتىك اكادەميالىق بالالار مەن جاسوسپىرىمدەر تەاترىنا باردىم. تەاتردىڭ جۇمىسىمەن تانىسىپ، ەسەناليەۆ تالعات قامقابايۇلىن اتالعان مادەني نىساننىڭ ديرەكتورى قىزمەتىنە تاعايىندادىم. بۇگىنگە دەيىن وسى تەاتردىڭ ىلگەرىلەپ، دامۋىنا ايتارلىقتاي ەڭبەك سىڭىرگەنى ءۇشىن سۇراپباەۆ ازامات ساتىبالدىۇلىنا العىسىمدى بىلدىرەمىن. ال تالعات قامقابايۇلىنا الداعى جاۋاپتى قىزمەتتە ساتتىلىك تىلەيمىن، - دەپ جازدى داۋرەن اباەۆ.
"ادىرنا" ۇلتتىق پورتالى
