Azamat Satybaldy Ǵabıt Músirepov atyndaǵy Qazaq memlekettik akademııalyq balalar men jasóspirimder teatrynyń dırektory qyzmetinen bosatyldy, dep habarlaıdy "Adyrna" ulttyq portaly. Bul týraly QR Mádenıet jáne sport mınıstri Dáýren Abaev óziniń feısbýk paraqshasynda málimdedi.
Teatr dırektory bolyp Esenalıev Talǵat Qamqabaıuly taǵaıyndaldy.
- Almaty qalasyna jasaǵan is-sapar barysynda Ǵabıt Músirepov atyndaǵy Qazaq memlekettik akademııalyq balalar men jasóspirimder teatryna bardym. Teatrdyń jumysymen tanysyp, Esenalıev Talǵat Qamqabaıulyn atalǵan mádenı nysannyń dırektory qyzmetine taǵaıyndadym. Búginge deıin osy teatrdyń ilgerilep, damýyna aıtarlyqtaı eńbek sińirgeni úshin Surapbaev Azamat Satybaldyulyna alǵysymdy bildiremin. Al Talǵat Qamqabaıulyna aldaǵy jaýapty qyzmette sáttilik tileımin, - dep jazdy Dáýren Abaev.
"Adyrna" ulttyq portaly
