اتىراۋدا 10 اقپاندا وبلىستىق دەنساۋلىق ساقتاۋ باسقارماسى باسشىسىنىڭ ورىنباسارى نۇرقۋات نۋدين ۇستالدى، دەپ حابارلايدى "ادىرنا" ۇلتتىق پورتالى "اق جايىق" باسىلىمىنا سىلتەمە جاساپ.
"اج"-عا بەلگىلى بولعانداي، 10 اقپاندا اتىراۋدا وبلىستىق دەنساۋلىق ساقتاۋ باسقارماسى باسشىسىنىڭ ورىنباسارى نۇرقۋات نۋدين (سۋرەتتە) ۇستالدى. دەنساۋلىق ساقتاۋ باسقارماسى بۇل فاكتىنى راستاپ، ۇستالۋىنىڭ ونىڭ وبلىستىق دەنساۋلىق ساقتاۋ باسقارماسىنداعى قازىرگى جۇمىسىنا قاتىسى جوقتىعىن اتاپ ءوتتى، - دەلىنگەن حابارلامادا.
30 جاستاعى نۇرقۋات نۋدين دەنساۋلىق ساقتاۋ باسقارماسى باسشىسىنىڭ ورىنباسارى بولىپ وتكەن جىلدىڭ ءساۋىر ايىندا تاعايىندالعان بولاتىن، ول باسقارمانىڭ قارجى ماسەلەلەرىنە جەتەكشىلىك ەتكەن.
ەكونوميكالىق تەرگەۋ دەپارتامەنتى ازىرگە ەشقانداي مالىمەت بەرە المايتىنىن ايتتى. الايدا ونىڭ 2019 جىلدىڭ ساۋىرىنەن 2021 جىلدىڭ ناۋرىز ايىنا دەيىن وبلىستىق قۇرىلىس باسقارماسى باستىعىنىڭ ورىنباسارى قىزمەتىن اتقارعانى جانە وعان قىلمىستىق كودەكستىڭ 189-بابى («سەنىپ تاپسىرىلعان بوگدە مۇلىكتى يەمدەنىپ الۋ نەمەسە تالان-تاراجعا سالۋ») بويىنشا ايىپ تاعىلعانى بەلگىلى، - دەلىنگەن حابارلامادا.
باسىلىمنىڭ مالىمەتىنشە، ول پايدالانۋعا بەرىلمەگەن الەۋمەتتىك ماڭىزى بار نىساندار بويىنشا ورىندالعان جۇمىستاردىڭ اكتىلەرىنە قول قويعان دەپ ايىپتالىپ وتىر.
"ادىرنا" ۇلتتىق پورتالى
