Atyraýda 10 aqpanda oblystyq densaýlyq saqtaý basqarmasy basshysynyń orynbasary Nurqýat Nýdın ustaldy, dep habarlaıdy "Adyrna" ulttyq portaly "Aq Jaıyq" basylymyna silteme jasap.
"AJ"-ǵa belgili bolǵandaı, 10 aqpanda Atyraýda oblystyq densaýlyq saqtaý basqarmasy basshysynyń orynbasary Nurqýat NÝDIN (sýrette) ustaldy. Densaýlyq saqtaý basqarmasy bul faktini rastap, ustalýynyń onyń oblystyq densaýlyq saqtaý basqarmasyndaǵy qazirgi jumysyna qatysy joqtyǵyn atap ótti, - delingen habarlamada.
30 jastaǵy Nurqýat Nýdın densaýlyq saqtaý basqarmasy basshysynyń orynbasary bolyp ótken jyldyń sáýir aıynda taǵaıyndalǵan bolatyn, ol basqarmanyń qarjy máselelerine jetekshilik etken.
Ekonomıkalyq tergeý departamenti ázirge eshqandaı málimet bere almaıtynyn aıtty. Alaıda onyń 2019 jyldyń sáýirinen 2021 jyldyń naýryz aıyna deıin oblystyq qurylys basqarmasy bastyǵynyń orynbasary qyzmetin atqarǵany jáne oǵan Qylmystyq kodekstiń 189-baby («Senip tapsyrylǵan bógde múlikti ıemdenip alý nemese talan-tarajǵa salý») boıynsha aıyp taǵylǵany belgili, - delingen habarlamada.
Basylymnyń málimetinshe, ol paıdalanýǵa berilmegen áleýmettik mańyzy bar nysandar boıynsha oryndalǵan jumystardyń aktilerine qol qoıǵan dep aıyptalyp otyr.
"Adyrna" ulttyq portaly
