ايماعامبەتوۆ عىلىمدا جۇرگەن قىز-كەلىنشەكتەردى كاسىبي مەرەكەلەرىمەن قۇتتىقتادى

2169
Adyrna.kz Telegram

بۇگىن عالىم ايەلدەردىڭ مەرەكەسى. بۇل كۇنگە وراي قر ءبىلىم جانە عىلىم ءمينيسترى اسحات ايماعامبەتوۆ ەلىمىزدەگى عىلىمدا جۇرگەن قىز-كەلىنشەكتەردى كاسىبي مەرەكەسىمەن قۇتتىقتادى، دەپ حابارلايدى “ادىرنا” ۇلتتىق پورتالى.

ايماعامبەتوۆ ەلىمىزدەگى عالىم قىز-كەلىنشەكتەردى ءوز الەۋمەتتىك جەلىسىندەگى پاراقشاسىندا قۇتتىقتادى. ءمينيستردىڭ ايتۋىنشا، ءبىزدىڭ ەلىمىزدە عىلىم سالاسىندا ەڭبەك ەتىپ جۇرگەن 10 مىڭعا جۋىق ايەل ازاماتتارى بار.

ولار:

714-ءى عىلىم دوكتورى

2427 ايەل – عىلىم كانديداتى

992-ءسى PhD دوكتورى

28-ءى بەيىندىك دوكتورلار.

“وسىنشاما نازىك جاندار عىلىم سالاسىندا تىنىمسىز ەڭبەك ەتىپ ءجۇر. جىل سايىن عىلىمداعى ايەلدەر سانى ارتىپ كەلە جاتقانىنا قۋانىشتىمىن”،-دەدى قر ءبىلىم جانە عىلىم ءمينيسترى اسحات ايماعامبەتوۆ

ءبىلىم ءمينيسترىنىڭ مالىمدەۋىنشە، بۇگىندە ەلىمىزدەگى جالپى عالىمدار سانىنىڭ 54%-ى ايەلدەردەن تۇرادى ەكەن.

سونداي-اق اسحات ايماعامبەتوۆ كوروناۆيرۋس پاندەمياسىمەن كۇرەس كەزىندەگى عالىم ايەلدەردىڭ ەڭبەگىن ەرەكشە اتاپ وتە كەلە، زاكاريا كۇنسۇلۋ دالتونوۆنانىڭ باسشىلىعىمەن بيولوگيالىق قاۋىپسىزدىك ماسەلەلەرى عىلىمي-زەرتتەۋ ينستيتۋتىندا COVID-19-عا قارسى قازاقستاندىق QazCovid-in (QazVac) ۆاكتسيناسى دايىندالعانىن تىلگە تيەك ەتتى.

“عىلىمداعى نازىك جانداردى حالىقارالىق مەرەكەمەن قۇتتىقتايمىن. وتانداستارىمىزدىڭ ءومىرىن جاقسارتۋ ءۇشىن جانە ەلىمىزدىڭ عىلىم سالاسىن دامىتۋدا اتقارىپ جۇرگەن باعا جەتپەس قىزمەتتەرىڭىز ءۇشىن العىس ايتامىن. بيىك بەلەستەردى باعىندىرا بەرۋلەرىڭىزگە تىلەكتەسپىن”،-دەدى اسحات ايماعامبەتوۆ.

“ادىرنا” ۇلتتىق پورتالى

پىكىرلەر