بۇگىن شىمكەنت قالاسى اكىمىنىڭ ورىنباسارى م.ايمانبەتوۆ ازاماتتاردى جەكە ماسەلەلەرى بويىنشا ونلاين قابىلدادى.
كەستەگە ساي وتكەن قابىلداۋدا ازاماتتاردىڭ كوپشىلىگى جەر ماسەلەسى بويىنشا كومەك سۇرادى. قالا اكىمىنىڭ ورىنباسارى ءاربىر تۇرعىننىڭ ساۋالىنا ناقتى جاۋاپ بەرىپ، جەر الۋدىڭ ءتارتىبى مەن جەردى زاڭداستىرۋدىڭ زاڭدىلىعىن جانە جەردىڭ نىسانالى ماقساتىن وزگەرتۋ ەرەجەسىن ءتۇسىندىردى.
سونىمەن بىرگە ماۋلەن ايمانبەتوۆ اتالعان ماسەلەلەر بويىنشا تۇرعىنداردىڭ وتىنىشتەرىن قاناعاتتاندىرۋ ماقساتىندا ءتيىستى سالا باسشىلارىنا تاپسىرما بەردى.
قالا اكىمىنىڭ ورىنباسارى ءار اپتانىڭ بەيسەنبى كۇندەرى ازاماتتاردى ەنەرگەتيكا، قۇرىلىس، جەر جانە تابيعات سالاسىنا قاتىستى سۇراقتار بويىنشا قابىلدايدى.
قابىلداۋعا +8 (7252) 24-70-27 نومىرىنە قوڭىراۋ شالىپ جازىلۋىڭىزعا بولادى.
شىمكەنت قالاسى اكىمدىگىنىڭ ءباسپاسوز قىزمەتى
