ءتارتىپ ساقشىلارى نۇر-سۇلتاندا Family Village ساياجاي قالاشىعىنداعى ۇيلەردىڭ بىرىندە سينتەتيكالىق ەسىرتكى ءوندىرىپ، ساتۋمەن اينالىسقان ەكى قىزدى ۇستادى، - دەپ حابارلايدى ”ادىرنا” ۇلتتىق پورتالى Polisia.kz سايتىنا سىلتەمە جاساپ.
ۆەدومستۆو مالىمەتىنشە، جالدامالى ءۇيدى ءتىنتۋ كەزىندە 1 218 سينتەتيكالىق "ەكستازي" پرەپاراتى، ەكى كەلى "الفا-PVP" سينتەتيكالىق ەسىرتكىسى جانە 140 ليتردەن استام پرەكۋرسور جانە ءۇي جاعدايىندا ەسىرتكى دايىنداۋعا ارنالعان ءتۇرلى زەرتحانالىق جابدىقتار تابىلىپ، تاركىلەندى.
"ۇستالعاندار ءبىر جىلدان استام ۋاقىت بويى سينتەتيكالىق ەسىرتكى دايىنداپ، ونى Telegram مەسسەندجەرى ارقىلى ساتۋمەن اينالىسقان. تاياۋدا عانا 1,2 كەلى مەفەدروندى قالا سىرتىندا ەكى جەردە جاسىرعانى بەلگىلى بولدى. ولار قوسىمشا تەرگەۋ ارەكەتى بارىسىندا تاركىلەندى. الىنعان سينتەتيكالىق ەسىرتكىلەردىڭ جالپى سالماعى 3,84 كەلى", - دەلىنگەن حابارلامادا.
