Nur-Sultanda esirtki satýmen aınalysqan eki qyz ustaldy

2199
Adyrna.kz Telegram

Tártip saqshylary Nur-Sultanda Family Village saıajaı qalashyǵyndaǵy úılerdiń birinde sıntetıkalyq esirtki óndirip, satýmen aınalysqan eki qyzdy ustady, - dep habarlaıdy ”Adyrna” ulttyq portaly Polisia.kz saıtyna silteme jasap.

Vedomstvo málimetinshe, jaldamaly úıdi tintý kezinde 1 218 sıntetıkalyq "ekstazı" preparaty, eki keli "Alfa-PVP" sıntetıkalyq esirtkisi jáne 140 lıtrden astam prekýrsor jáne úı jaǵdaıynda esirtki daıyndaýǵa arnalǵan túrli zerthanalyq jabdyqtar tabylyp, tárkilendi.

"Ustalǵandar bir jyldan astam ýaqyt boıy sıntetıkalyq esirtki daıyndap, ony Telegram messendjeri arqyly satýmen aınalysqan. Taıaýda ǵana 1,2 keli mefedrondy qala syrtynda eki jerde jasyrǵany belgili boldy. Olar qosymsha tergeý áreketi barysynda tárkilendi. Alynǵan sıntetıkalyq esirtkilerdiń jalpy salmaǵy 3,84 keli", - delingen habarlamada.

Ustalǵandardyń biri Reseı Federaııasynyń týmasy. Qazirgi ýaqytta aıyptalýshylardyń qylmystyq áreketterin qujattaý, sondaı-aq, basqa da qatysy bar adamdardy anyqtaý boıynsha is-sharalar júrgizilip jatyr.
“Adyrna” ulttyq portaly
Pikirler