بۇگىن اقيىق اقىن مۇقاعالي ماقاتاەۆتىڭ تۋعانىنا 91 جىل تولدى.
مۇقاعالي ماقاتاەۆ — قازاق پوەزياسىندا ۇلكەن قولتاڭبا قالدىرعان ليريك اقىن. ول 1931 جىلى 9 اقپاندا رايىمبەك اۋدانى، قاراساز اۋىلىندا دۇنيەگە كەلگەن.
شىن ەسىمى مۇحاممەدقالي. بالاعا ءوز اتىن ايتۋ قيىنداۋ بولادى دەپ قىسقاشا مۇقاعالي دەپ اتاپ كەتكەن. حالىق ونى ءوز زامانىندا لايىق باعاسىن الا الماسا دا، وزىنەن كەيىنگىلەر ءۇشىن مارتەبەسى بيىك اقىن دەپ بىلەدى.
مۇقاعالي ماقاتاەۆ 1948 - 49 جىلدارى قازمۋ-دىڭ فيلولوگيا فاكۋلتەتىندە وقىعان. 1948 جىلى وقۋىن تاستاپ، شيبۇت اۋىلىندا اۋىلدىق كەڭەستىڭ حاتشىسى بولعان. 1949 جىلى كوكتەمدە جارى لاشىنمەن وتاۋ قۇرادى.
1949 جىلى "سوۆەتتىك شەكارا" گازەتى اقىننىڭ "قىرمان باسىندا", "قويشى بالا - اكىتاي" ولەڭدەرىن جاريالادى.
مۇقاعالي ماقاتاەۆ 1976 جىلى نەبارى 45 جاسىندا دۇنيەدەن ءوتتى. بۇگىنگە دەيىن ونىڭ جازعان ولەڭدەرى مەن پوەمالارىن پوەزيا سۇيەر قاۋىم جاتقا وقيدى.
“ادىرنا” ۇلتتىق پورتالى
