Búgin aqıyq aqyn Muqaǵalı Maqataevtyń týǵanyna 91 jyl toldy.
Muqaǵalı Maqataev — qazaq poezııasynda úlken qoltańba qaldyrǵan lırık aqyn. Ol 1931 jyly 9 aqpanda Raıymbek aýdany, Qarasaz aýylynda dúnıege kelgen.
Shyn esimi Muhammedqalı. Balaǵa óz atyn aıtý qıyndaý bolady dep qysqasha Muqaǵalı dep atap ketken. Halyq ony óz zamanynda laıyq baǵasyn ala almasa da, ózinen keıingiler úshin mártebesi bıik aqyn dep biledi.
Muqaǵalı Maqataev 1948 - 49 jyldary QazMÝ-dyń fılologııa fakýltetinde oqyǵan. 1948 jyly oqýyn tastap, Shıbut aýylynda aýyldyq keńestiń hatshysy bolǵan. 1949 jyly kóktemde jary Lashynmen otaý qurady.
1949 jyly "Sovettik shekara" gazeti aqynnyń "Qyrman basynda", "Qoıshy bala - Ákitaı" óleńderin jarııalady.
Muqaǵalı Maqataev 1976 jyly nebári 45 jasynda dúnıeden ótti. Búginge deıin onyń jazǵan óleńderi men poemalaryn poezııa súıer qaýym jatqa oqıdy.
“Adyrna” ulttyq portaly
