شىمكەنتتە پەدوفيلدىك قىلمىسى ءۇشىن سوتتالعان ەر ادام تۇزەۋ مەكەمەسىنىڭ قابىرعاسىندا قازا تاپتى، دەپ حابارلايدى "ادىرنا" سايتى.
وقيعا يچ-167/2 بارىنشا قاۋىپسىزدىك مەكەمەسىندە بولعان. مارقۇم سول جەردە اۋىر قىلمىس – كامەلەتكە تولماعان بالانى زورلاعانى ءۇشىن جازاسىن وتەپ جاتقان.
الدىن الا مالىمەت بويىنشا، سوتتالۋشى قۇلاعاننان كەيىن اۋىر جاراقات العان. ول اۋرۋحاناعا جاتقىزىلىپ، شۇعىل وتا جاسالعان. بىراق دارىگەرلەر تۇتقىندى امان الىپ قالا المادى. قازىر پروكۋراتۋرا تەكسەرىپ جاتىر.
قاداعالاۋ ورگانى وقيعانىڭ ءمان-جايىن جاريالامادى. تەرگەۋدىڭ وبەكتيۆتىلىگى ءۇشىن ىسكە جەرگىلىكتى ادام قۇقىعىن قورعاۋ ۇيىمدارى قوسىلدى. قىلمىستىق اتقارۋ جۇيەسى دەپارتامەنتىندە دە تەكسەرۋ تاعايىندالدى.
"ادىرنا" ۇلتتىق پورتالى
