Shymkentte pedofıldik qylmysy úshin sottalǵan er adam túzeý mekemesiniń qabyrǵasynda qaza tapty, dep habarlaıdy "Adyrna" saıty.
Oqıǵa ICh-167/2 barynsha qaýipsizdik mekemesinde bolǵan. Marqum sol jerde aýyr qylmys – kámeletke tolmaǵan balany zorlaǵany úshin jazasyn ótep jatqan.
Aldyn ala málimet boıynsha, sottalýshy qulaǵannan keıin aýyr jaraqat alǵan. Ol aýrýhanaǵa jatqyzylyp, shuǵyl ota jasalǵan. Biraq dárigerler tutqyndy aman alyp qala almady. Qazir prokýratýra tekserip jatyr.
Qadaǵalaý organy oqıǵanyń mán-jaıyn jarııalamady. Tergeýdiń obektıvtiligi úshin iske jergilikti adam quqyǵyn qorǵaý uıymdary qosyldy. Qylmystyq atqarý júıesi departamentinde de tekserý taǵaıyndaldy.
"Adyrna" ulttyq portaly
