شىمكەنت قالاسىندا بيىل 223,8 شاقىرىم بولاتىن 291 كوشەگە ورتاشا جوندەۋ جۇمىستارى جۇرگىزىلەدى. ونىڭ ىشىندە 21,2 شاقىرىمى ماگيسترالدى كوشە، 202,6 شاقىرىمى ىشكى ورام كوشەلەر.
ورتاشا جوندەۋ جۇمىستارى جۇرگىزىلەتىن كوشەلەردىڭ 61,6 شاقىرىمى اباي اۋدانىنا تيەسىلى بولسا، 10 شاقىرىمى ءال-فارابي اۋدانىندا، 60,5 شاقىرىمى قاراتاۋدا، ال 70,5 شاقىرىمى ەڭبەكشى اۋدانىندا جۇرگىزىلەدى.
جالپى قالادا 2025 جىلعا دەيىن ۇزىندىعى 1000 شاقىرىم شاماسىندا بولاتىن جول ورتاشا جوندەۋدەن وتكىزۋ جوسپارلانۋدا. ناتيجەسىندە جاقسى جانە قاناعاتتى جاعدايداعى جولدار ۇلەسىن 79 پايىزعا جەتكىزۋ كوزدەلۋدە.
شىمكەنت قالاسى اكىمدىگىنىڭ ءباسپاسوز قىزمەتى
