مەملەكەت باسشىسى كورنەكتى قالامگەر، قازاقستاننىڭ ەڭبەك ەرى، حالىق جازۋشىسى، ۇلى وتان سوعىسىنىڭ ارداگەرى ءابدىجامىل كارىمۇلى نۇرپەيىسوۆتىڭ دۇنيەدەن وتۋىنە بايلانىستى وتباسىنا كوڭىل ايتۋ جەدەلحاتىن جولدادى. بۇل تۋرالى پرەزيدەنتتىڭ ءباسپاسوز حاتشىسى بەرىك ءۋالي Facebook-تەگى پاراقشاسىندا جازدى، دەپ حابارلايدى "ادىرنا" ۇلتتىق پورتالى.
قاسىم-جومارت توقاەۆ جەدەلحاتتا ءابدىجامىل كارىمۇلىنىڭ سۇراپىل سوعىستى باستان كەشكەنىن، ەلگە ورالعان سوڭ قازاق ادەبيەتىن وركەندەتۋگە سۇبەلى ۇلەس قوسقانىن اتاپ ءوتتى.
– ۇزاق جىلعى شىعارماشىلىق قىزمەتى جەمىستى بولدى. «قان مەن تەر» تريلوگياسى، «سوڭعى پارىز» ديلوگياسى سياقتى تۋىندىلارى سىنشىلار مەن وقىرماندار تاراپىنان جوعارى باعاسىن الدى. زامان جۇگىن كوتەرگەن روماندارى الەمنىڭ كوپتەگەن تىلدەرىنە اۋدارىلدى. ءابدىجامىل كارىمۇلىنىڭ جاڭا بەلەستى باعىندىرعان قازاق ادەبيەتىن شەتەلگە تانىتۋعا سىڭىرگەن ەڭبەگى وراسان زور. ءومىر بويى قولىنان قالامى تۇسكەن جوق. قازاق ەلىنىڭ رۋحاني-مادەني سالاسىن دامىتۋ جولىندا ولشەۋسىز قىزمەت اتقاردى. ونەگەلى عۇمىر كەشىپ، سوڭىنا ادەبي مول مۇرا قالدىرعان ءابدىجامىل كارىمۇلىنىڭ جارقىن بەينەسى ۇمىتىلمايدى. حالقىمىز ەسىمىن ءاردايىم ارداق تۇتادى. مارقۇمنىڭ يمانى سالامات، جانى ءجانناتتا بولسىن، – دەلىنگەن پرەزيدەنتتىڭ جەدەلحاتىندا.
"ادىرنا" ۇلتتىق پورتالى
