جات اعىمدى ناسيحاتتاپ جۇرگەندەردىڭ كوبى پوليتسەيلەر - مامان

2195
Adyrna.kz Telegram

زەرتتەۋشىلەردىڭ سوزىنشە، ەلدە ءدىني احۋال كۇردەلى. وبلىستا دەسترۋكتيۆتى ءدىني اعىم جاقتاۋشىلاردىڭ سانى 33,5% ءوسىپ كەتكەن. ءتىپتى، جات اعىمنىڭ ناسيحاتىن تۇراقتى تىڭداعانداردىڭ اراسىندا پوليتسيا قىزمەتكەرلەرى دە بار، دەپ حابارلايدى “ادىرنا” ۇلتتىق پورتالى Azattyq Rýhy سايتىنا سىلتەمە جاساپ. 

زەرتتەۋشىلەردىڭ سوزىنشە، ەلدە ءدىني احۋال كۇردەلى. وبلىستا دەسترۋكتيۆتى ءدىني اعىم جاقتاۋشىلاردىڭ سانى 33,5% ءوسىپ كەتكەن. ءتىپتى، جات اعىمنىڭ ناسيحاتىن تۇراقتى تىڭداعانداردىڭ اراسىندا پوليتسيا قىزمەتكەرلەرى دە بار. ءدىني ناسيحاتتى جاسىرىن جۇرگىزەتىندەر كوبىنە الەۋمەتتىك جەلىلەردى پايدالانادى.

«تالداۋ بارىسىندا 16 مەمقىزمەتكەردىڭ، قۇقىق قورعاۋ ورگاندارىنىڭ 5 قىزمەتكەرىنىڭ، 10 ءدىني قىزمەتكەردىڭ، 100-گە جۋىق ستۋدەنتتىڭ دەسترۋكتيۆتى كونتەنت قولداناتىنى انىقتالىپ، ماماندار تاراپىنان ءتيىستى ءتۇسىندىرۋ شارالارى جۇزەگە اسىرىلدى. جالپى، الماتى وبلىسىندا «ءدىني ەكسترەميزم مەن تەرروريزمنىڭ الدىن الۋ» باعىتىندا جۇمىستار جۇرگىزىلىپ كەلەدى. ناتيجە جامان ەمەس، دەگەنمەن تەرىس اعىمنىڭ جەتەگىندە كەتكەندەرمەن كۇرەستى ءبىر ساتكە توقتاتۋعا بولمايدى»، - دەدى «ءدىن سالاسىنداعى ماسەلەلەردى زەرتەۋ ورتالىق» كمم-ىڭ ديرەكتوردىڭ ورىنباسارى ساعىنىش جاناباي.

ايماقتىڭ ءدىني احۋالىنا جەدەل مونيتورينگ جۇرگىزۋ ماقساتىندا «اناليتيكالىق ينتەرنەت كارتا» باعدارلاماسى ىسكە قوسىلعان. دەسترۋكتيۆتى ءدىني توپتارعا تىركەلۋشىلەر «ۆكونتاكتە» جەلىسى ارقىلى ۋاعىز تىڭدايدى. اتالمىش توپتاردىڭ قاتارىن قوعامدا ءوز ورنىن تابا الماعان ازاماتتار مەن ءدىني ساۋاتى قالىپتاسپاعان جاستار تولىقتىرىپ كەلەدى. وبلىستا دەسترۋكتيۆتى ءدىني اعىمداردىڭ تارالۋ وشاقتارى قاراساي، ەڭبەكشىقازاق، پانفيلوۆ، ىلە جانە جامبىل مەن تالعار اۋداندارىندا ورنالاسقان.

«يسلام مادەنيەتى مەن وركەنيەتىنىڭ تەمىرقازىعىنىڭ اينالاسىنا كولەڭكە تۇسىرەتىندەر سوڭعى جىلدارى قاپتادى. ول ءدىننىڭ اتىن جامىلعان – ەكسترەميستىك اعىمدار. سايكەسىنشە، ەلدەگى ءدىني احۋال كۇردەلەنىپ تۇرعان جايى بار. وتكەن جىلى جەتىسۋ جەرىندە 1 ميلليوننان استام ادامدى قامتىعان 2 896 شارا وتكەن. باستى ماقسات – وڭىردە حالىقتىڭ دىنتانۋلىق ساۋاتتىلىعىن ارتتىرۋ مەن تۇرعىنداردى ءدىني ەكسترەميزم مەن تەرروريزم يدەيالارىنان الشاقتاتۋ. باعدارلامانىڭ كومەگىمەن ءدىني اعىمداردىڭ تارالۋىنا، ينتەرنەتتە دەسترۋكتيۆتى توپتاردىڭ تىركەلۋشىلەرىنە مونيتورينگ جۇرگىزىلۋدە. دەگەنمەن، اتقارىلعان جۇمىستارعا قاراماستان، وتكەن جىلمەن سالىستىرعاندا وڭىردەگى ددا جاقتاستارىنىڭ سانى 33,5%-عا ءوسىپ وتىر. وڭىردەگى ءدىني احۋالدىڭ كۇردەلەنۋىنە الماتى قالاسىنىڭ وبلىس شەگىندە ورنالاسۋى جانە حالىقتىڭ تىعىز قونىستانۋى اسەر ەتۋدە»، - دەدى زەرتتەۋ ورتالىعىنىڭ وكىلى.

“ادىرنا” ۇلتتىق پورتالى

پىكىرلەر