Zertteýshilerdiń sózinshe, elde dinı ahýal kúrdeli. Oblysta destrýktıvti dinı aǵym jaqtaýshylardyń sany 33,5% ósip ketken. Tipti, jat aǵymnyń nasıhatyn turaqty tyńdaǵandardyń arasynda polıııa qyzmetkerleri de bar, dep habarlaıdy “Adyrna” ulttyq portaly Azattyq Rýhy saıtyna silteme jasap.
Zertteýshilerdiń sózinshe, elde dinı ahýal kúrdeli. Oblysta destrýktıvti dinı aǵym jaqtaýshylardyń sany 33,5% ósip ketken. Tipti, jat aǵymnyń nasıhatyn turaqty tyńdaǵandardyń arasynda polıııa qyzmetkerleri de bar. Dinı nasıhatty jasyryn júrgizetinder kóbine áleýmettik jelilerdi paıdalanady.
«Taldaý barysynda 16 memqyzmetkerdiń, quqyq qorǵaý organdarynyń 5 qyzmetkeriniń, 10 dinı qyzmetkerdiń, 100-ge jýyq stýdenttiń destrýktıvti kontent qoldanatyny anyqtalyp, mamandar tarapynan tıisti túsindirý sharalary júzege asyryldy. Jalpy, Almaty oblysynda «Dinı ekstremızm men terrorızmniń aldyn alý» baǵytynda jumystar júrgizilip keledi. Nátıje jaman emes, degenmen teris aǵymnyń jeteginde ketkendermen kúresti bir sátke toqtatýǵa bolmaıdy», - dedi «Din salasyndaǵy máselelerdi zerteý ortalyq» KMM-yń dırektordyń orynbasary Saǵynysh Janabaı.
Aımaqtyń dinı ahýalyna jedel monıtorıng júrgizý maqsatynda «Analıtıkalyq Internet karta» baǵdarlamasy iske qosylǵan. Destrýktıvti dinı toptarǵa tirkelýshiler «Vkontakte» jelisi arqyly ýaǵyz tyńdaıdy. Atalmysh toptardyń qataryn qoǵamda óz ornyn taba almaǵan azamattar men dinı saýaty qalyptaspaǵan jastar tolyqtyryp keledi. Oblysta destrýktıvti dinı aǵymdardyń taralý oshaqtary Qarasaı, Eńbekshiqazaq, Panfılov, Ile jáne Jambyl men Talǵar aýdandarynda ornalasqan.
«Islam mádenıeti men órkenıetiniń temirqazyǵynyń aınalasyna kóleńke túsiretinder sońǵy jyldary qaptady. Ol dinniń atyn jamylǵan – ekstremıstik aǵymdar. Sáıkesinshe, eldegi dinı ahýal kúrdelenip turǵan jaıy bar. Ótken jyly Jetisý jerinde 1 mıllıonnan astam adamdy qamtyǵan 2 896 shara ótken. Basty maqsat – óńirde halyqtyń dintanýlyq saýattylyǵyn arttyrý men turǵyndardy dinı ekstremızm men terrorızm ıdeıalarynan alshaqtatý. Baǵdarlamanyń kómegimen dinı aǵymdardyń taralýyna, ınternette destrýktıvti toptardyń tirkelýshilerine monıtorıng júrgizilýde. Degenmen, atqarylǵan jumystarǵa qaramastan, ótken jylmen salystyrǵanda óńirdegi DDA jaqtastarynyń sany 33,5%-ǵa ósip otyr. Óńirdegi dinı ahýaldyń kúrdelenýine Almaty qalasynyń oblys sheginde ornalasýy jáne halyqtyń tyǵyz qonystanýy áser etýde», - dedi zertteý ortalyǵynyń ókili.
“Adyrna” ulttyq portaly
