شىمكەنتتە قوقىس جاشىگىنەن بەلگىسىز ايەلدىڭ دەنەسى تابىلدى. ايەلدىڭ جاسى شامامەن 35 جاستا، دەپ حابارلايدى “ادىرنا” ۇلتتىق پورتالى وتىرار.كز سايتىنا سىلتەمە جاساپ.
سومكەنى تۇرعىن ىرساي جۇمانوۆا تاپپقان.
"تاڭەرتەڭ وسى جەردەن ءوتتىم. قوقىس جاشىگىندە ءبىر دوربا نان جاتىر ەكەن. ونى مالعا الا سالايىن دەدىم. دوربانى الىپ جاتقاندا، استىنان شاقپاق سومكەدەگى ءمايىتتى كوردىم. سوسىن قورقىپ، قاشىپ كەتتىم. كەيىن تاكسي جۇرگىزۋشىلەرىن كورىپ، سولارعا ايتتىم. ولاردىڭ ءبىرى ۋچاسكەلىك پوليتسيا قىزمەتكەرىنە تەلەفون سوقتى", - دەدى ايەل.
تەرگەۋشىلەر وقيعا ورنىنا دەرەۋ جەتكەن. كۋاگەرلەردىڭ ايتۋىنشا، مارقۇم جاقسى كيىنگەن، بىراق قاتتى سوققىعا جىعىلعان - ءولتىردى دەگەن كۇدىكتى بەتىنەن ۇرعان. تۇرعىننىڭ ايتۋىنشا، ايەلدىڭ ءۇستى-باسى قان-جوسا. بەتى قاتتى جارالانعان.
پوليتسيا "ادام ءولتىرۋ" بابى بويىنشا قىلمىستىق ءىس قوزعادى. ءىس بويىنشا ءتيىستى ساراپتاما تاعايىندالعان.
"قازىرگى ۋاقىتتا كۇدىكتىلەردى انىقتاۋعا باعىتتالعان جەدەل-ىزدەستىرۋ شارالارى جۇرگىزىلىپ جاتىر", - دەدى ءال-فارابي اۋداندىق پوليتسيا ءبولىمى باستىعىنىڭ تەرگەۋ جونىندەگى ورىنباسارى باتىربەك مىرزاگەلديەۆ.
“ادىرنا” ۇلتتىق پورتالى
