شىمكەنت قالاسىنىڭ اكىمى مۇرات ايتەنوۆكە مەملەكەتتىك ەڭبەك ينسپەكتسياسى باسقارماسىنىڭ باسشىسى ب.قالجانوۆ وتكەن جىلى اتقارىلعان جانە 2022 جىلى جۇزەگە اسىرىلاتىن جۇمىستار بويىنشا ەسەپ بەردى.
باسقارما باسشىسى وتكەن جىلعى بارلىق كورسەتكىشتەر بەكىتىلگەن مەجەدەن اسىرا ورىندالعانىن جەتكىزدى. اتاپ ايتقاندا، جۇمىسكەرلەر اراسىندا جازاتايىم وقيعالار 2020 جىلعا قاراعاندا 37,2% تومەندەدى. 80 كاسىپورىنداعى 3 085 جۇمىسكەرلەردىڭ 384 ملن.تەڭگە كولەمىندەگى جالاقى قارىزدارى وتەلدى. 1 640 ۇجىمدىق شارت مونيتورينگتەن وتكىزىلدى، ءىرى جانە ورتا كاسىپورىنداردا 2993 كاسىپورىندار ەلەكتروندىق ەڭبەك شارتتارىن ەنگىزۋ جوسپارلانىپ، ول 31,3% اسىرا ورىندالدى.
بيىل جەرگىلىكتى ەڭبەك كۇشىن ارتتىرۋ ماقساتىندا جۇمىسكەرلەردىڭ ەڭبەك قۇقىقتارىنىڭ قورعالۋىن جەتىلدىرۋ ماقساتىندا قولدانىستاعى زاڭناماعا وزگەرىستەر مەن تولىقتىرۋلەر ەنگىزۋ بويىنشا ۇسىنىستار ازىرلەنەتىن بولادى:
✅ىشكى ەڭبەك نارىعىن قورعاۋ ماقساتىندا ۇسىنىستار;
✅كولەڭكەلى ەكونوميكاداعى ەڭبەك تابىستارىن رەسمي باعىتتارعا وتكىزۋدى كوزدەيتىن ۇسىنىستار;
✅تومەن جالاقى دەڭگەيىن كوتەرۋدى كوزدەيتىن ۇسىنىستار ازىرلەنەدى;
✅جالاقى قارىزدارىن بولدىرماۋ جانە ەڭبەك داۋلارىنىڭ الدىن الۋ ماقساتىندا مونيتورينگ ۇيىمداستىرۋ;
✅الەۋمەتتىك جانە مەديتسينالىق الەۋمەتتك ساقتاندىرۋ قورلارىنان تۇسكەن اقپاراتتاردى سارالاۋ;
✅پروبلەمالىق كاسىپورىنداردان تىكەلەي مالىمەتتەر جيناقتاۋ ارقىلى ىسكە اسىرىلۋ كوزدەلەدى.
ودان بولەك، بيىل ەڭبەك قۇقىقتارىن قامتاماسىز ەتۋ باعىتىندا جەكە جانە زاڭدى تۇلعالاردىڭ 1300-دەن اسا ارىز-شاعىم، جولدانىمدارى قارالادى. قالا اۋماعىندا ۆەدومستۆوارالىق سيپاتتا ءىس-ارەكەت ەتۋشى الەۋمەتتىك ارىپتەستىك پەن الەۋمەتتىك جانە ەڭبەك قاتىناستارىن رەتتەۋ جونىندەگى قۇرىلعان ءۇش جاقتى كوميسسيا جۇمىستارى كۇشەيتىلمەك.
جيىندى قورىتىندىلاعان قالا اكىمى ەڭبەك ۇجىمدارىندا، وندىرىستىك كاسىپورىنداردا قاۋىپسىز ەڭبەك جاعدايلارى جانە ەڭبەك قۇقىقتارىن قامتاماسىز ەتۋ، تومەنگى جالاقى مولشەرىن كوتەرۋ بويىنشا تۇسىندىرمە جۇمىستارىن جۇيەلى تۇردە جۇرگىزىپ وتىرۋدى تاپسىردى. كاسىپورىنداردا جەرگىلىكتى تۇرعىنداردىڭ جۇمىسپەن قامتىلۋىنا كوڭىل ءبولۋدى، ولاردىڭ ەڭبەك شارتتارىنىڭ بۇزىلماۋىن باقىلاۋعا الۋ قاجەتتىگىن ايتتى.
شىمكەنت قالاسى اكىمدىگىنىڭ ءباسپاسوز قىزمەتى
