ۇجىمدىق قاۋىپسىزدىك شارتى ۇيىمىنا (ۇقشۇ) مۇشە ەلدەر قازاقستان، قىرعىزستان جانە تاجىكستاندا بىرلەسكەن وقۋ-جاتتىعۋلار وتكىزەدى. بۇل تۋرالى ۇقشۇ بىرىككەن شتابىنىڭ باسشىسى، گەنەرال-پولكوۆنيك اناتولي سيدوروۆ مالىمدەدى.
«ەگەر 2022 جىل تۋرالى ايتاتىن بولساق، وندا ءبىز ورتالىق ازيا مەملەكەتتەرىنىڭ اۋماعىندا: قازاقستاندا، قىرعىزستاندا جانە تاجىكستاندا بىرلەسكەن جەدەل جانە جاۋىنگەرلىك دايىندىق بويىنشا ءىس-شارالاردىڭ بارلىعىن دەرلىك جوسپارلادىق»، - دەدى سيدوروۆ.
جاتتىعۋلار 2022 جىلدىڭ ەكىنشى جارتىجىلدىعىندا وتەدى. 2022 جىلعى 19 قاڭتاردا ۇقشۇ ۇجىمدىق بىتىمگەرشىلىك كۇشتەرىن قازاقستان اۋماعىنان شىعارۋ اياقتالدى. كونتينگەنت ەلدەگى جاعدايدى تۇراقتاندىرۋعا كومەكتەسۋ ءۇشىن ورنالاستىرىلعان ەدى.
"ادىرنا" ۇلتتىق پورتالى
