شىمكەنت قالاسىنداعى بارلىق مەكتەپتەردە جالپى 242 مىڭنان اسا بالا ءبىلىم السا، ولاردىڭ 200 مىڭعا جۋىعى وسى جىلى قوسىمشا بىلىممەن قامتىلادى. بۇل تۋرالى ءبىلىم باسقارماسىنىڭ باسشىسى ج.تاجيەۆا قالا اكىمىنە 2022 جىلى اتقارىلاتىن جۇمىستار جايىن بايانداۋ بارىسىندا ايتتى.
بالالاردى قوسىمشا بىلىممەن قامتۋ كورسەتكىشى وتكەن جىلى 73,4 پايىزدى قۇراسا، بيىل 77,1 پايىزدى قۇرايتىن بولادى. قوسىمشا بىلىممەن قامتىلعان وقۋشىلار ۇلەسىن كوبەيتۋ ءۇشىن جان باسىنا قارجىلاندىرۋ ەسەبىنەن مادەنيەت باسقارماسى تاراپىنان 6000 بالا، دەنە شىنىقتىرۋ جانە سپورت باسقارماسى تاراپىنان 14000 بالا، ءبىلىم باسقارماسى تاراپىنان 5000 بالاعا قارجى قارالىپ، جالپى 25000 بالا ءتۇرلى ۇيىرمەلەر مەن سپورتتىق سەكتسيالارعا قامتىلاتىن بولادى. سونىمەن قاتار 60 تان استام مەكتەپتىڭ سپورت زالدارىن جالعا بەرۋ ارقىلى سپورتتىق سەكتسيالار اشىلاتىن بولادى. ودان بولەك، جاڭادان زاماناۋي «وقۋشىلار» سارايىنىڭ قۇرىلىسى باستالدى. وسى جۇمىستاردىڭ اياقتالۋىمەن 2025 جىلعا دەيىن وقۋشىلاردى قوسىمشا بىلىممەن قامتۋ 100 پايىزعا دەيىن جەتپەك.
قوسىمشا ءبىلىمسىز بالالاردىڭ الەۋەتىن تولىق اشۋ مۇمكىن ەمەس ەكەنىن ايتقان قالا اكىمى مۇرات ايتەنوۆ ءار بالا قوسىمشا بىلىممەن قامتىلۋى ءتيىس ەكەنىن اتاپ ءوتىپ، ناتيجەگە قول جەتكىزۋ ءۇشىن ناقتى تاپسىرمالار جۇكتەدى.
«ءار بالانىڭ ساباقتان تىس ۇيىرمەلەر مەن سەكتسيالارعا قاتىسۋ مۇمكىندىگى بولۋى ماڭىزدى. بارلىق مەكتەپتە سپورتپەن اينالىسۋعا جاعداي جاسالۋ كەرەك. مەملەكەت باسشىسىنىڭ تاپسىرماسىنا سايكەس بالالاردىڭ مەملەكەتتىك تاپسىرىس ارقىلى جەكەمەنشىك ۇيىمداردا دا قوسىمشا ءبىلىم الۋىنا جاعداي جاسالۋدا. سوندىقتان جەكەمەنشىك سپورتتىق سەكتسيالار مەن شىعارماشىلىق ۇيىرمەلەر سانىن ارتتىرۋ باعىتىندا جۇيەلى جۇمىستار اتقارىلۋى ءتيىس»، -دەدى قالا باسشىسى.
باسقارما باسشىسى پەداگوگ مارتەبەسى تۋرالى زاڭعا سايكەس قوسىمشا ءبىلىم بەرۋ قىزمەتكەرلەرىنىڭ دە ەڭبەكاقىسى جىل سايىن وسەتىنىن جانە ساناتتار ءۇشىن قوسىمشا اقىلارى ۇلعايتىلاتىنىن ءمالىم ەتتى.
شىمكەنت قالاسى اكىمدىگىنىڭ ءباسپاسوز قىزمەتى
