زاڭگەرلەردىڭ ايتۋىنشا، جۇمىستان كەتكەن ۇقك قىزمەتكەرلەرى قىلمىستىق جاۋاپكەرشىلىككە تارتىلۋى مۇمكىن. ادۆوكاتتار ولارعا زاڭ بويىنشا جاۋاپ بەرۋگە بولاتىنىن دا ايتتى، دەپ حابارلايدى "ادىرنا" ۇلتتىق پورتالى "Caravan.kz"-كە سىلتەمە جاساپ.
2022 جىلدىڭ 11 قاڭتارىندا پرەزيدەنت قاسىم-جومارت توقاەۆ پارلامەنتتە سويلەگەن سوزىندە: "بارلىق ادام ءوز مىندەتىنە ادالدىق تانىتا بەرمەيدى. بىرقاتار قالالاردا ۇلتتىق قاۋىپسىزدىك كوميتەتىنىڭ قۇرىلىمدىق بولىمشەلەرىنىڭ باسشىلارى جەتكىلىكتى اسكەري ارسەنالعا قاراماستان، قىزمەتتىك عيماراتتان ۇرىسقا قاتىسپاي، قارۋ-جاراق پەن قۇپيا قۇجاتتاردى سول جەردە قالدىرىپ كەتكەن", - دەگەن بولاتىن.
قازتاگ اگەنتتىگىنە بەرگەن سۇحباتىندا زاڭگەر ايمان وماروۆا: "قاڭتار وقيعاسى كەزىندە الماتى قالالىق ۇلتتىق قاۋىپسىزدىك كوميتەتى (ۇقك) دەپارتامەنتىنىڭ عيماراتىنان شىعىپ كەتكەن قىزمەتكەرلەر جاۋاپقا تارتىلۋى كەرەك", - دەدى.
سونداي-اق، ادۆوكات ايمان وماروۆا تەرگەۋدى بىرنەشە قىزمەت تۇرلەرىمەن بىرگە مۇقيات جۇرگىزۋ كەرەك دەپ سانايدى.
"مەن الماتى قالاسى بويىنشا قر ۇقك جانە عيماراتتان شىعىپ، قارۋدى ءىس جۇزىندە تاپسىرعان دەپارتامەنت قىزمەتكەرلەرىن قىلمىستىق جاۋاپكەرشىلىككە تارتۋدى جانە وسى ساناتتاعى ىستەر بويىنشا تەرگەۋدى سىبايلاس جەمقورلىققا قارسى قىزمەت، تەرگەۋ-جەدەل توبى مەن ىشكى ىستەر مينيسترلىگى جۇرگىزسىن دەپ تالاپ ەتەمىن. وعان پروكۋراتۋرا دا قاتىسپاۋى كەرەك", - دەدى ايمان وماروۆا.
ونىڭ سوت تالقىلاۋى قاجەت دەگەن پىكىرىن الماتى قالالىق ادۆوكاتتار القاسىنداعى ارىپتەستەرى دە قولداپ وتىر. زاڭگەر دجوحار وتەبەكوۆ بۇل تۋرالى:
"مەن بۇل جەردە "سالاقتىق" بابىنىڭ بەلگىلەرىن كورىپ تۇرمىن – بۇل قر قىلمىستىق كودەكسىنىڭ 371-بابىندا كورسەتىلگەن قىزمەتتىك مىندەتتەرىن تيىسىنشە ورىنداماۋ. جۇمىستان كەتكەن ۇقك قىزمەتكەرلەرىنە قاتىستى، بۇل ابايسىزدىق پا، الدە قاساقانا پوگرومشىلارعا قولداۋ كورسەتۋ ءۇشىن جاسادى ما، سولاردى وسىلاي اتايىق. بۇل جاعدايدا قازاقستان رەسپۋبليكاسى قىلمىستىق كودەكسىنىڭ باسقا باپتارى قولدانىلۋى مۇمكىن: 370-دەن باستاپ. - "قىزمەتتەگى ارەكەتسىزدىك" 361 - "لاۋازىمدى وكىلەتتىكتەردى تەرىس پايدالانۋ" نەمەسە 362 - "لاۋازىمدى وكىلەتتىكتەردى اسىرا پايدالانۋ". ماسەلەن، ۇقك-ءنىڭ ءوزى حابارلاعانداي، كارىم ءماسىموۆ پەن ونىڭ كەيبىر تىكەلەي قاراماعىنداعىلارعا قىزمەت بابىن اسىرا پايدالانۋ بابى بويىنشا ايىپ تاعىلۋدا (قازاقستان رەسپۋبليكاسىنىڭ قىلمىستىق كودەكسiنىڭ 362 بابى). كەيبىر بولىمشەلەردەگى بانديتتەردىڭ قارۋ-جاراق الۋى اۋىر زارداپ بولىپ تابىلادى، بىراق مۇنىڭ بارلىعىن، ارينە، تەرگەۋ انىقتايتىن بولادى. ارينە، كىنالىلەر زاڭ اياسىندا جازاسىن الادى دەپ ويلايمىن", — دەدى ول.
"ادىرنا" ۇلتتىق پورتالى
