يندۋستريا جانە ينفراقۇرىلىمدىق دامۋ مينيسترلىگى جەڭىلدەتىلگەن اۆتونەسيەلەۋ باعدارلاماسىن قايتا ىسكە قوسۋدىڭ بىرنەشە نۇسقاسىن قاراستىرىپ جاتىر، دەپ حابارلايدى «ادىرنا» ءتىلشىسى.
مينيسترلىكتىڭ ءباسپاسوز قىزمەتى مالىمدەگەندەي، قازىر باعدارلامانى قايتا ىسكە قوسۋدىڭ بىرنەشە نۇسقاسى تالقىلانۋدا.
نۇسقالاردىڭ ءبىرى كوپ بالالى وتباسىلاردى، قۇقىق قورعاۋ ورگاندارى قىزمەتكەرلەرىن، دارىگەرلەر مەن مۇعالىمدەردى قولداۋدىڭ كىشى باعدارلاماسىن قوسىمشا ەنگىزۋ ۇسىنىلۋىمەن ەرەكشەلەنەدى.
سونداي-اق، «ءبىرىنشى وتباسىلىق اۆتوكولىك» قوسالقى باعدارلاماسىن قوسۋ مۇمكىندىگى قاراستىرىلىپ جاتىر.
ايتا كەتەيىك، جەڭىلدەتىلگەن اۆتونەسيەلەۋ باعدارلاماسى 2015 جىلى ىسكە قوسىلدى. قارجىلاندىرۋدىڭ جالپى ءليميتى 82 ملرد تەڭگەنى قۇرايدى.
باعدارلاما ىسكە اسىرىلعان ساتتەن باستاپ رەۆولۆەرلىك-قايتارىمدى قاراجاتتى ەسكەرە وتىرىپ، 159 ملرد تەڭگەگە 30 525 قارىز بەرىلدى. قازىردىڭ وزىندە 80 مىڭعا جۋىق ادام وتاندىق اۆتوكولىكتەردى ساتىپ الدى.
«ادىرنا» ۇلتتىق پورتالى
