ەلىمىزدە ونلاين كازينولار كوبەيىپ كەتتى. شىعىنعا شاش ەتەكتەن باتىراتىن قۇمار ويىنداردى ناسيحاتتايتىن سايتتاردىن سانىنا الاڭداعان قوعام بەلسەندىلەرى ولاردى شەكتەۋ كەرەك دەپ سانايدى. ولاردىڭ ايتۋىنشا، ماسەلە بۇگىنگى قوعامدا وتە وزەكتى بولىپ تۇر. ءتىپتى جىل سايىن ەلىمىزدە 350 مىڭ ادام قۇمار ويىندارىنىڭ قۇربانىنا اينالاتىن كورىنەدى. بۇل جايىندا “ادىرنا” ۇلتتىق پورتالى استانا ارناسىنا سىلتەمە جاساپ حابارلايدى.
نۇر-سۇلتان قالاسىنىڭ تۇرعىنى نۇريسلام ءبىر كەزدە قۇمار ويىننىڭ سوڭىنان كەتىپ، قولىنداعى بارىنان ايرىلعانداردىڭ ءبىرى. مۇنىڭ ايىقپاس دەرت ەكەنىن بىلگەن ول باسقا قالاعا قونىس تا اۋدارعان. ونداعى ويى ويىنقۇمارلىقتان ارۋلى بولعان ەدى دەيدى ءوزى. الايدا بۇل دەرتتەن ايىعۋ ءوزى ويلاعانداي وڭاي بولىپ شىقپاعان. ءتىپتى قارىزعا بەلشەدەن باتقان كۇندەرى بولعانىن ايتىپ، ەسكە الادى.
"باستاپقىدا قىزۋعىشىلىق بولدى، بارلىعى وينايدى، ماعان دا بولادى عوي دەگەن سياقتى. ۇيدەن ازداپ اقشا ۇرلاي باستادىم، قارىز كوبەيە باستادى. بارلىعىن ۇتىلعاننان كەيىن، باسقا قالاعا قاشىپ كەتتىم. وتباسى قۇندىلىقتارىنان ايىرىلدىم، ومىرگە دەگەن كوزقاراس وزگەردى، بالا-شاعا، اتا-انامەن سويلەسۋدە قىزىق بولماي قالدى", - دەيدى ەلوردالىق نۇريسلام ءالىپبايۇلى.
ول بۇل اۋرۋدىڭ ناشاقورلىقتان ايىرماشىلىعى شامالى ەكەنىن ايتادى. دەگەنمەن ماقساتىنان باس تارتپاعان نۇريسلام، بۇگىندە بويىنداعى دەرتتى جەڭىپ، قازىر ءوزى سياقتى ويىنقۇمارلىقتان ارىلعىسى كەلەتىندەرگە كومەك كورسەتىپ ءجۇر.
پسيحولوگ ماماننىڭ ايتۋىنشا، قۇمارلىقتىڭ شەگى بولمايدى. ادام سانالى تۇردە ءوزىن تەجەمەيىنشە، توقتامى جوق دەيدى. ال، قۇمارلىقتىڭ ەڭ قاۋىپتىسى بۇل - جەڭىس دەپ وتىر. اقشا تابۋدىڭ وڭاي جولىن ىزدەگەندەر دەسەك قاتەلەسكەنىمىز، ولار تەك جاننىڭ راحاتى ءۇشىن وينايتىندار دەپ سانايدى ول.
"ازارتتا ەڭ قاۋىپتىسى، ەڭ جامانى باستە جەڭۋ. ءبىر رەت جەڭگەن ادام، 100 رەت جەڭىلگەن ادام مەن ءبارىبىر تۇبىندە جەڭەمىن جالعان ۇمىتپەن ويناي بەرەدى. اقشا تابۋدىڭ جولىمەن باراتىندار سيرەك، كوبىنە اقشاسى بارلار بارادى. مىسالى، كازينوعا بارعاندا قالتاڭىزدا 2000-5000 مىڭ دوللار بولماسا كىرگىزبەيدى كازينوعا", - دەپ تۇسىندىرەدى وتباسىلىق پسيحولوگ ەرجان مىرزاباەۆ.
بۇگىندە ونلاين كازينولاردىڭ قۇربانى ەسەلەنۋدە. قوعام بەلسەندىسى قايرات قۇدايبەرگەن وسىعان الاڭداۋلى. ول قۇمار ويىندارعا تۇبەگەيلى شەكتەۋ قويۋدى تالاپ ەتەدى. ماسەلەنى الەۋمەتتىك جەلىدە كوتەرىپ، ونلاين كازينو، بينگو سياقتى سايتتىق پلاتفورمالاردىڭ جۇمىسىن سىنادى.
"ويىنقۇمارلىق، يگرومانيا جانۇيا ينستيتۋتىندا قۇرتادى. قانشاما ادامدار اجىراسىپ جاتىر. قانشاما ادامدار قازىر قارىزعا باتىپ، بىرەۋدىڭ ومىرىمەن ويناپ جاتقان ويىنقۇمارلاردىڭ كازينولاردىڭ، بينگولاردىڭ قالتاسىن تولتىرىپ جاتىر. ءبىز بۋكمەكەرلەر، ونلاين كازينو، جانە بينگو دەگەن سياتقتىلاردىڭ كوزىن قۇرتۋ كەرەكپىز", - دەيدى قوعام بەلسىندىسى قايرات قۇدايبەرگەن.
“ادىرنا” ۇلتتىق پورتالى
