Elimizde onlaın kazınolar kóbeıip ketti. Shyǵynǵa shash etekten batyratyn qumar oıyndardy nasıhattaıtyn saıttardyn sanyna alańdaǵan qoǵam belsendileri olardy shekteý kerek dep sanaıdy. Olardyń aıtýynsha, másele búgingi qoǵamda óte ózekti bolyp tur. Tipti jyl saıyn elimizde 350 myń adam qumar oıyndarynyń qurbanyna aınalatyn kórinedi. Bul jaıynda “Adyrna” ulttyq portaly Astana arnasyna silteme jasap habarlaıdy.
Nur-Sultan qalasynyń turǵyny Nurıslam bir kezde qumar oıynnyń sońynan ketip, qolyndaǵy barynan aırylǵandardyń biri. Munyń aıyqpas dert ekenin bilgen ol basqa qalaǵa qonys ta aýdarǵan. Ondaǵy oıy oıynqumarlyqtan arýly bolǵan edi deıdi ózi. Alaıda bul dertten aıyǵý ózi oılaǵandaı ońaı bolyp shyqpaǵan. Tipti qaryzǵa belsheden batqan kúnderi bolǵanyn aıtyp, eske alady.
"Bastapqyda qyzýǵyshylyq boldy, barlyǵy oınaıdy, maǵan da bolady ǵoı degen sııaqty. Úıden azdap aqsha urlaı bastadym, qaryz kóbeıe bastady. Barlyǵyn utylǵannan keıin, basqa qalaǵa qashyp kettim. Otbasy qundylyqtarynan aıyryldym, ómirge degen kózqaras ózgerdi, bala-shaǵa, ata-anamen sóılesýde qyzyq bolmaı qaldy", - deıdi elordalyq Nurıslam Álipbaıuly.
Ol bul aýrýdyń nashaqorlyqtan aıyrmashylyǵy shamaly ekenin aıtady. Degenmen maqsatynan bas tartpaǵan Nurıslam, búginde boıyndaǵy dertti jeńip, qazir ózi sııaqty oıynqumarlyqtan arylǵysy keletinderge kómek kórsetip júr.
Psıholog mamannyń aıtýynsha, qumarlyqtyń shegi bolmaıdy. Adam sanaly túrde ózin tejemeıinshe, toqtamy joq deıdi. Al, qumarlyqtyń eń qaýiptisi bul - jeńis dep otyr. Aqsha tabýdyń ońaı jolyn izdegender desek qateleskenimiz, olar tek jannyń rahaty úshin oınaıtyndar dep sanaıdy ol.
"Azartta eń qaýiptisi, eń jamany báste jeńý. Bir ret jeńgen adam, 100 ret jeńilgen adam men báribir túbinde jeńemin jalǵan úmitpen oınaı beredi. Aqsha tabýdyń jolymen baratyndar sırek, kóbine aqshasy barlar barady. Mysaly, kazınoǵa barǵanda qaltańyzda 2000-5000 myń dollar bolmasa kirgizbeıdi kazınoǵa", - dep túsindiredi otbasylyq psıholog Erjan Myrzabaev.
Búginde onlaın kazınolardyń qurbany eselenýde. Qoǵam belsendisi qaırat Qudaıbergen osyǵan alańdaýly. Ol qumar oıyndarǵa túbegeıli shekteý qoıýdy talap etedi. Máseleni áleýmettik jelide kóterip, onlaın kazıno, bıngo sııaqty saıttyq platformalardyń jumysyn synady.
"Oıynqumarlyq, ıgromanııa januıa ınstıtýtynda qurtady. Qanshama adamdar ajyrasyp jatyr. Qanshama adamdar qazir qaryzǵa batyp, bireýdiń ómirimen oınap jatqan oıynqumarlardyń kazınolardyń, bıngolardyń qaltasyn toltyryp jatyr. Biz býkmekerler, onlaın kazıno, jáne bıngo degen sııatqtylardyń kózin qurtý kerekpiz", - deıdi qoǵam belsindisi Qaırat Qudaıbergen.
“Adyrna” ulttyq portaly
