قۋاڭشىلىق كەزىندە حالىققا جاناشىرلىعىمەن ەلدىڭ ىقىلاسىنا يە بولعان قۇرمەت تالاپقازى مەملەكەتتىك حاتشى ەرلان قارينمەن جۇزدەستى، دەپ حابارلادى “ادىرنا” ۇلتتىق پورتالى turkystan.kz سايتىنا سىلتەمە جاساپ.
«الماتىدا قازاقتىڭ مىقتى جاس جىگىتتەرىمەن كەزدەستىم. جاڭا قازاقستاندى قۇراتىن وسىنداي مەملەكەتشىل جانە جاسامپاز جاڭا تولقىن» دەپ جازدى ەرلان تىنىمبايۇلى الەۋمەتتىك جەلىدە.
وسىدان كەيىن ينتەرنەتتە مەملەكەتتىك حاتشىنىڭ رەسمي اككاۋنتى بەلگىلەنگەن جازبالار پايدا بولدى. وندا قۇرمەتتىڭ ۇلتتىق قوعامدىق سەنىم كەڭەسىنە مۇشە بولاتىنى جايلى جازىلعان. ەرلان قاريننىڭ مۇنداي پىكىردى جوققا شىعارماعانىنا قاراعاندا، قۇرمەت تالاپقازىنى ۇلتتىق كەڭەستىڭ الداعى وتىرىستارىندا كورىپ قالۋىمىز ابدەن مۇمكىن.
“ادىرنا” ۇلتتىق پورتالى
