Qýańshylyq kezinde halyqqa janashyrlyǵymen eldiń yqylasyna ıe bolǵan Qurmet Talapqazy Memlekettik hatshy Erlan Qarınmen júzdesti, dep habarlady “Adyrna” ulttyq portaly turkystan.kz saıtyna silteme jasap.
«Almatyda qazaqtyń myqty jas jigitterimen kezdestim. Jańa Qazaqstandy quratyn osyndaı memleketshil jáne jasampaz jańa tolqyn» dep jazdy Erlan Tynymbaıuly áleýmettik jelide.
Osydan keıin ınternette Memlekettik hatshynyń resmı akkaýnty belgilengen jazbalar paıda boldy. Onda Qurmettiń Ulttyq qoǵamdyq senim keńesine múshe bolatyny jaıly jazylǵan. Erlan Qarınniń mundaı pikirdi joqqa shyǵarmaǵanyna qaraǵanda, Qurmet Talapqazyny Ulttyq keńestiń aldaǵy otyrystarynda kórip qalýymyz ábden múmkin.
“Adyrna” ulttyq portaly
