ينديكاتورلىق كورسەتكىشتەردىڭ ورىندالۋ بارىسى تالقىلاندى

1988
Adyrna.kz Telegram

شىمكەنت قالاسىنىڭ اكىمى مۇرات ايتەنوۆ كاسىپكەرلىك جانە يندۋستريالدى-يننوۆاتسيالىق دامۋ باسقارماسىنىڭ ەسەبىن تىڭدادى.

باسقارما باسشىسىنىڭ ورىنباسارى ب.ازيمبەرديەۆ وتكەن جىلدىڭ 12 ايىندا اتقارىلعان جۇمىستاردى جانە 2022 جىلى جۇزەگە اسىرىلاتىن جوسپارلارى تۋرالى باياندادى.
شىمكەنتتە ونەركاسىپ سالاسىندا 718 كاسىپورىن بەلسەندى جۇمىس جاساۋدا، ونىڭ ىشىندە 605 وڭدەۋ ونەركاسىبىنىڭ ۇلەسىندە. وسى كاسىپورىندارمەن وتكەن جىلى 784 ملرد. تەڭگەنىڭ ونەركاسىپ ءونىمى، ال وڭدەۋ ونەركاسىبىندە 678 ملرد تەڭگەنىڭ ءونىمى ءوندىرىلدى. باسقارما باسشىسىنىڭ ورىنباسارى الداعى بەس جىلدا ونەركاسىپ ءونىم كولەمىن 1,7 پايىزعا ارتتىرۋ كوزدەلگەنىن اتاپ ءوتتى.
سونىمەن قاتار ول وتكەن جىلى نەگىزگى كاپيتالعا 462 ملرد. تەڭگەنىنىڭ ينۆەستيتسياسى سالىنعانىن ايتىپ، بيىل بۇل مەجەنى 540 ملرد. تەڭگەگە جەتكىزۋ جوسپارلانعانىن ءمالىم ەتتى.
باياندامادا ايتىلعانداي سىرتقى ساۋدا اينالىمىنىڭ ۇلەسىن 30 پايىزعا تومەندەتۋ بويىنشا 2022-2025 جىلدارى يمپورت الماستىرۋعا باعدارلانعان قۇنى 472,7 ملرد. تەڭگەنى قۇرايتىن 61 جوبا، ونىڭ ىشىندە بيىلعى جىلى قۇنى 52,3 ملرد. تەڭگە بولاتىن 16 جوبا جۇزەگە اسىرىلماق. اتاپ ايتقاندا ءتۇستى مەتالدار كونتسەنتراتىن الۋ ءۇشىن قالدىقتاردى قايتا ءوندىرۋ زاۋىتى، اليۋميني بانكىلەر ءوندىرىسى، تاباق شىنىدان جاسالعان شىنى كونسترۋكتسيالاردى وندىرەتىن كاسىپورىن، ارالاس ءيىرىمجىپ ءوندىرىسى، شۇلىق بۇيىمدار ءوندىرىسى، دارىلىك جانە گيگيەنالىق قۇرالدار شىعاراتىن ءوندىرىس پەن كىلەمدەر مەن كىلەم بۇيىمدار ءوندىرىسى سالىنادى دەپ جوسپارلانۋدا.
قالامىزدىڭ مەگاپوليس دارەجەسىن الۋى كوپ مۇمكىندىكتەرمەن قوسا جاۋاپكەرشىلىكتەر جۇكتەيتىنىن ايتقان قالا باسشىسى، شىمكەنت قالاسى ەلىمىزدىڭ وڭتۇستىك وڭىرىندەگى دامۋ لوكوماتيۆىنە اينالۋ كەرەكتىگىن ايتتى. ەكونوميكالىق ينديكاتورلاردىڭ ورىندالۋىمەن شەكتەلۋگە بولمايتىنىن، ينۆەستورلارعا بارىنشا جاعداي جاساۋ كەرەكتىگىن اتاپ ءوتتى.
ءسوز سوڭىندا جوسپارلاردىڭ ورىندالۋى بارىسىندا ستاتيستيكالىق نەگىزدەر مەن اناليتيكالىق تالداۋلار قاتار جۇرگىزىلۋى ءتيىس ەكەنىن، كوزبوياۋشىلىقتان ارىلاتىن كەز كەلگەنىن جانە قالا ەكونوميكاسىنا سەرپىن بەرەتىن جاڭا ۇسىنىستار كەرەكتىگىن جەتكىزدى.

شىمكەنت قالاسى اكىمدىگىنىڭ ءباسپاسوز قىزمەتى

پىكىرلەر