كاسىپكەر مۇحامەد ءىزباستين "قازاقستان حالقىنا” قوعامدىق قورىنا 100 ميلليون تەڭگە اۋداردى، دەپ حابارلادى “ادىرنا” ۇلتتىق پورتالى Stan.kz سايتىنا سىلتەمە جاساپ.
بارلىعى 2022 جىلدىڭ 16 قاڭتارى مەن 25 قاڭتارى ارالىعىندا قوعامدىق قورعا 130 زاڭدى تۇلعالار مەن ءىرى كاسىپكەرلەردەن 42,1 ميلليارد تەڭگە اۋدارىلدى.
مۇحامەد ءىزباستيننىڭ اكەسى – قازاقستاننىڭ بولگارياداعى توتەنشە جانە وكىلەتتى ەلشىسى تەمىرتاي ءىزباستين، اناسى – قارلىعا ءىزباستين، ەل پرەزيدەنتى قاسىم-جومارت توقاەۆتىڭ اپكەسى.
مۇحامەد ءىزباستين دە قاڭتاردىڭ ورتاسىندا "بايتەرەك" ۇلتتىق حولدينگى باسقارما توراعاسىنىڭ ءبىرىنشى ورىنباسارى قىزمەتىنەن ءوز ەركىمەن كەتكەن قانىش ءىزباستيننىڭ اعاسى.
"قازاقستان حالقى" قورى قاسىم-جومارت توقاەۆتىڭ باستاماسىمەن قۇرىلدى.
بۇعان دەيىن پرەزيدەنت قور جۇمىسى "اشىق بولاتىنىن" ايتقان.
"بارلىق ءىرى كومپانيالار مەملەكەت بەلگىلەگەن سالىق سالىناتىن كىرىستىڭ پايىزىن پايدالى قايىرىمدىلىق قىزمەتپەن اينالىساتىن قورعا اۋدارادى. بيزنەس-قاۋىمداستىق بۇل باستامانى شىن جۇرەكتەن قولدايدى، سونداي-اق قوردى جۇزەگە اسىرۋعا كومەكتەسەدى دەپ سەنەمىن", - دەدى توقاەۆ.
قارجى دەنساۋلىق ساقتاۋ، الەۋمەتتىك سالا، ءبىلىم، مادەنيەت جانە سپورت ماسەلەلەرىن شەشۋگە جۇمسالادى. قور جەتىم جانە باسقا دا دەرتكە شالدىققان بالالارعا، حالىقتىڭ الەۋمەتتىك وسال توپتارىنىڭ مۇقتاجدارىنا، قازا تاپقان جاۋىنگەرلەردىڭ وتباسىلارىنا، قۇقىق قورعاۋ جانە ارنايى ورگاندارعا، سونداي-اق باسقا دا قايىرىمدىلىق ماقساتتارعا قولداۋ كورسەتەتىن بولادى.
“ادىرنا” ۇلتتىق پورتالى
