Kásipker Muhamed Izbastın "Qazaqstan halqyna” qoǵamdyq qoryna 100 mıllıon teńge aýdardy, dep habarlady “Adyrna” ulttyq portaly Stan.kz saıtyna silteme jasap.
Barlyǵy 2022 jyldyń 16 qańtary men 25 qańtary aralyǵynda qoǵamdyq qorǵa 130 zańdy tulǵalar men iri kásipkerlerden 42,1 mıllıard teńge aýdaryldy.
Muhamed Izbastınniń ákesi – Qazaqstannyń Bolgarııadaǵy Tótenshe jáne Ókiletti Elshisi Temirtaı Izbastın, anasy – Qarlyǵa Izbastın, el prezıdenti Qasym-Jomart Toqaevtyń ápkesi.
Muhamed Izbastın de qańtardyń ortasynda "Báıterek" ulttyq holdıngi basqarma tóraǵasynyń birinshi orynbasary qyzmetinen óz erkimen ketken Qanysh Izbastınniń aǵasy.
"Qazaqstan halqy" qory Qasym-Jomart Toqaevtyń bastamasymen quryldy.
Buǵan deıin prezıdent qor jumysy "ashyq bolatynyn" aıtqan.
"Barlyq iri kompanııalar memleket belgilegen salyq salynatyn kiristiń paıyzyn paıdaly qaıyrymdylyq qyzmetpen aınalysatyn qorǵa aýdarady. Bıznes-qaýymdastyq bul bastamany shyn júrekten qoldaıdy, sondaı-aq qordy júzege asyrýǵa kómektesedi dep senemin", - dedi Toqaev.
Qarjy densaýlyq saqtaý, áleýmettik sala, bilim, mádenıet jáne sport máselelerin sheshýge jumsalady. Qor jetim jáne basqa da dertke shaldyqqan balalarǵa, halyqtyń áleýmettik osal toptarynyń muqtajdaryna, qaza tapqan jaýyngerlerdiń otbasylaryna, quqyq qorǵaý jáne arnaıy organdarǵa, sondaı-aq basqa da qaıyrymdylyq maqsattarǵa qoldaý kórsetetin bolady.
“Adyrna” ulttyq portaly
