بۇگىن شىمكەنت قالاسىنىڭ اكىمى مۇرات ايتەنوۆ 3 مىڭعا جۋىق تۇرعىنى بار اباي اۋدانىنا قاراستى تاۋەلسىزدىككە 20 جىل تۇرعىن الابىنىڭ ينفراقۇرىلىم جۇيەلەرىمەن تانىسىپ، حالقىمەن كەزدەستى.
الەۋمەتتىك ماسەلەسى تولىق شەشىلمەگەن تۇرعىن الاپقا قاجەتتىسى تابيعي گاز، قوسىمشا مەكتەپ، امبۋلاتوريا، مادەنيەت ءۇيى مەن سپورت الاڭشاسى جانە اسفالت جول.
ەلدى مەكەنگە وتكەن جىلى اۋىز سۋ قۇبىرى تارتىلىپ، تۇرعىندار تولىعىمەن تازا سۋمەن قامتىلدى. سونىمەن بىرگە ساپالى ەلەكترمەن قامتۋ بويىنشا دا ءتيىستى قۇرىلىس جۇمىستارى جۇرگىزىلىپ، بۇگىندە ابونەنتتەۋ جۇمىستارى اتقارىلۋدا. تابيعي گازبەن قامتۋ بويىنشا بيىل جسق ازىرلەنىپ، 2023 كوگىلدىر وتىن ماسەلەسى تولىق شەشىلەدى.
تۇرعىندارمەن اشىق ديالوگتا سويلەسكەن قالا باسشىسى ەلدى مەكەندەگى وزەكتى ماسەلەلەر رەت-رەتىمەن شەشىلەتىندىگىن ايتتى. سونىمەن بىرگە، اكىم گازبەن قامتۋ ماسەلەسىنە باسا نازار اۋدارىپ، ءتيىستى جۇمىستاردى تەز اياقتاۋدى جانە الەۋمەتتىك نىساندار سالۋ ماسەلەسىن وڭتايلى شەشۋدى، ال ءبىلىم باسقارماسىنا مەكتەپ مەسەلەسىن شەشۋگە ينۆەستور تارتۋدى تاپسىردى.
قالا اكىمى ءسوز سوڭىندا مەملەكەت باسشىسى ايتقان حالىقپەن كەرى بايلانىس ورناتۋ اقرىلى كەز كەلگەن ماسەلەنى شەشۋگە بولاتىنىن اتاپ ءوتىپ، تۇرعىنداردى الاڭداتقان ءاربىر سۇراق وڭ شەشىمىن تاباتىنىنا سەنىمدى ەكەنىن جەتكىزدى.
ءوز كەزىندە تۇرعىندار حالىقتىڭ ءوتىنىشىن تىڭداۋعا كەلگەن اكىمگە العىسىن ءبىلدىردى.
شىمكەنت قالاسى اكىمدىگىنىڭ ءباسپاسوز قىزمەتى
