Búgin Shymkent qalasynyń ákimi Murat Áıtenov 3 myńǵa jýyq turǵyny bar Abaı aýdanyna qarasty Táýelsizdikke 20 jyl turǵyn alabynyń ınfraqurylym júıelerimen tanysyp, halqymen kezdesti.
Áleýmettik máselesi tolyq sheshilmegen turǵyn alapqa qajettisi tabıǵı gaz, qosymsha mektep, ambýlatorııa, mádenıet úıi men sport alańshasy jáne asfalt jol.
Eldi mekenge ótken jyly aýyz sý qubyry tartylyp, turǵyndar tolyǵymen taza sýmen qamtyldy. Sonymen birge sapaly elektrmen qamtý boıynsha da tıisti qurylys jumystary júrgizilip, búginde abonentteý jumystary atqarylýda. Tabıǵı gazben qamtý boıynsha bıyl JSQ ázirlenip, 2023 kógildir otyn máselesi tolyq sheshiledi.
Turǵyndarmen ashyq dıalogta sóılesken qala basshysy eldi mekendegi ózekti máseleler ret-retimen sheshiletindigin aıtty. Sonymen birge, ákim gazben qamtý máselesine basa nazar aýdaryp, tıisti jumystardy tez aıaqtaýdy jáne áleýmettik nysandar salý máselesin ońtaıly sheshýdi, al bilim basqarmasyna mektep meselesin sheshýge ınvestor tartýdy tapsyrdy.
Qala ákimi sóz sońynda Memleket basshysy aıtqan halyqpen keri baılanys ornatý aqryly kez kelgen máseleni sheshýge bolatynyn atap ótip, turǵyndardy alańdatqan árbir suraq oń sheshimin tabatynyna senimdi ekenin jetkizdi.
Óz kezinde turǵyndar halyqtyń ótinishin tyńdaýǵa kelgen ákimge alǵysyn bildirdi.
Shymkent qalasy ákimdiginiń baspasóz qyzmeti
