قازاقستاندا 15 مىڭعا جۋىق شەتەل ازاماتى جۇمىس ىستەيدى، ولاردىڭ 3,8 مىڭنان استامى باسشىلىق قىزمەتتە، دەپ حابارلايدى "ادىرنا" سايتى ەڭبەك جانە حالىقتى الەۋمەتتىك قورعاۋ مينيسترلىگىنە سىلتەمە جاساپ.
ماسەلەن، 2022 جىلعى 1 قاڭتارداعى جاعدايعا سايكەس جەرگىلىكتى اتقارۋشى ورگانداردىڭ رۇقساتى بويىنشا قازاقستاندا 14 932 شەتەل ازاماتى جۇمىس ىستەيدى.
شەتەلدىك جۇمىس كۇشىن تارتۋعا رۇقساتتاردىڭ اراسىندا كەلەسى ساناتتار بار:
- 635 رۇقسات ءبىرىنشى (باسشىلار مەن ولاردىڭ ورىنباسارلارى),
- 3 206 – ەكىنشى سانات بويىنشا (قۇرىلىمدىق بولىمشەلەردىڭ باسشىلارى),
- ۇشىنشىگە (ماماندار) – 7 827,
- ءتورتىنشى (بىلىكتى جۇمىسشىلار) – 745 ادام.
سونداي-اق ماۋسىمدىق جۇمىسقا 408 ادام، كورپوراتيۆتىك اۋىسىم اياسىندا 2057 ادام تارتىلدى.
قازاقستاندا شەتەلدىك جۇمىس كۇشىن پايدالاناتىن 1779 جۇمىس بەرۋشى بار. ولاردا 458 مىڭنان استام قازاقستاندىق جۇمىس ىستەيدى، بۇل جالپى قىزمەتكەرلەر سانىنىڭ 97%-ىن قۇرايدى.
ەڭبەك ميگرانتتارىنىڭ نەگىزگى شىققان ەلدەرى قىتاي – 3738 ادام، تۇركيا – 1979 ادام، ءۇندىستان – 1228, ۇلىبريتانيا – 1019, وزبەكستان – 427 ادام.
"ادىرنا" ۇلتتىق پورتالى
