مەملەكەت باسشىسىنىڭ جولداۋىن ىسكە اسىرۋ جونىندەگى جالپىۇلتتىق جوسپاردى ىسكە اسىرۋ ماقساتىندا قر سىبايلاس جەمقورلىققا قارسى ءىس-قيمىل اگەنتتىگى (سىبايلاس جەمقورلىققا قارسى قىزمەت) كەلەسى بەس جىلعا ارنالعان سىبايلاس جەمقورلىققا قارسى ساياسات تۇجىرىمداماسىنىڭ جوباسىن، سونداي-اق ونى ىسكە اسىرۋ جونىندەگى ءىس-قيمىل جوسپارىن ازىرلەدى.
بارلىعىمىزعا بەلگىلى، مەملەكەت باسشىسى بيزنەس-قوعامداستىقپەن كەزدەسۋدە (21.01.2022 ج.) كورپوراتيۆتىك سىبايلاس جەمقورلىققا قارسى ءىس-قيمىلعا ەرەكشە نازار اۋدارا وتىرىپ، وسى تۇجىرىمدامانى كاسىپكەرلىك قوعامداستىقپەن ەگجەي-تەگجەيلى تالقىلاۋ قاجەتتىگىن اتاپ ءوتتى.
وسىعان بايلانىستى ا.ج. 24 قاڭتاردا الماتى وبلىسىندا وبلىس اكىمى ك.ا.بوزىمباەۆتىڭ قاتىسۋىمەن تۇجىرىمداما جوباسىن تالقىلاۋ ءۇشىن كاسىپكەرلەر جانە ءوڭىر اكتيۆىمەن كەزدەسۋ ءوتتى.
ايتا كەتۋ كەرەك، تۇجىرىمدامانى ازىرلەۋ كەزىندە ازاماتتىق قوعامنىڭ پىكىرى، حالىقارالىق تاجىريبە، سونداي-اق جيناقتالعان جەكە تاجىريبە ماڭىزدى بولدى.
تۇجىرىمدامادا ناقتى رەفورمالار مەن جوبالاردى قامتيتىن مىندەتتەردىڭ 6 بلوگى كوزدەلگەن:
- ءبىرىنشىسى سىبايلاس جەمقورلىققا توزبەۋشىلىكتى قالىپتاستىرۋعا ارنالعان.
- شارالاردىڭ ەكىنشى بلوگى سىبايلاس جەمقورلىق مۇمكىندىكتەرىن بارىنشا ازايتۋعا باعىتتالعان.
- شارالاردىڭ ءۇشىنشى بلوگى جاۋاپكەرشىلىكتىڭ بۇلتارتپاستىعىن قامتاماسىز ەتۋگە باعىتتالعان.
- ءتورتىنشى بلوك-بۇل ازاماتتىق قوعامدى سىبايلاس جەمقورلىققا قارسى ءىس-قيمىلعا ودان ءارى اۋقىمدى تارتۋ جونىندەگى شارالار.
- بەسىنشى بلوك سىبايلاس جەمقورلىققا قارسى ساياساتتىڭ مونيتورينگىنە ارنالعان.
- التىنشى بلوك سىبايلاس جەمقورلىققا قارسى ءىس-قيمىل جونىندەگى ۋاكىلەتتى ورگاننىڭ قىزمەتىن ودان ءارى جەتىلدىرۋگە باعىتتالعان.
پاراساتتى بيزنەستى قالىپتاستىرۋ ماقساتىندا تۇجىرىمداما جوباسىندا سىبايلاس جەمقورلىققا قارسى ستاندارتتاردى ەرىكتى تۇردە ەنگىزۋ بويىنشا شارالار بلوگى كوزدەلگەن. وسى باعىتتا ءوز تيىمدىلىگىن كورسەتكەن الدىڭعى قاتارلى حالىقارالىق تاجىريبەلەر نەگىزگە الىندى.
مىسالى، شىعىس ەۋروپا ەلدەرىندە "كلەەر ۆەيف" ء("مولدىر تولقىن") شارتتى اتاۋىمەن ءونىمدى، قىزمەتتەردى جانە ماركەتينگتىك ماتەريالدى اشىق بيزنەس-تاڭبالاۋ باستاماسى ىسكە اسىرىلدى. بۇل بەلگى ىسكەرلىك ەتيكانىڭ، اشىقتىقتىڭ، جاۋاپكەرشىلىك پەن تۇراقتىلىقتىڭ سيمۆولى بولىپ تابىلادى.
مۇنداي كومپانيالار كەيىننەن "تازا پاراققا" تۇسەدى، بۇل ولارعا مەملەكەتتىك تاپسىرىستى الۋ كەزىندە ارتىقشىلىقتار بەرەدى.
سونداي-اق، بۇگىندە قولدانىستاعى زاڭنامادا بيزنەستىڭ قىزمەتىنە سىبايلاس جەمقورلىققا قارسى كومپلاەنس-قىزمەتتەردى ەرىكتى تۇردە ەنگىزۋ نازارعا الىنعان.
سىبايلاس جەمقورلىققا قارسى كومپلاەنس ينستيتۋتىن ودان ءارى دامىتۋ ارناسىندا كومپلاەنس-وفيتسەرلەردى دايارلاۋ جونىندەگى ءتيىستى ءبىلىم بەرۋ باعدارلامالارىن ەنگىزۋ العا قويىلعان.
بۇدان باسقا، تۇجىرىمداما جوباسى سىبايلاس جەمقورلىققا قارسى ستاندارتتاردى ەنگىزگەن جانە ادال جۇمىس ىستەيتىن كومپانيالاردى ىنتالاندىرۋدى قاراستىرادى. اتالعان ىنتالاندىرۋ مەملەكەتتىك ساتىپ الۋ، مەملەكەتتىك قولداۋ جانە ت.ب. كەزىندە پرەفەرەنتسيالار الۋ ارقىلى ىسكە اسىرىلۋى مۇمكىن.
وسى شارالاردىڭ بارلىعى كورپوراتيۆتىك سەكتوردى ادال بولۋعا، ءادىل ويىن جۇرگىزۋگە ىنتالاندىرۋعا باعىتتالعان. مۇنداي تاسىلدەن بارلىعى ۇتپاق.
بيزنەس جوعارى بەدەلگە جانە سايكەسىنشە پايداعا يە بولادى، ازاماتتار – ساپالى ءونىم، مەملەكەت – الەۋمەتتىك-ەكونوميكالىق تۇراقتىلىقتىڭ ىرگەتاسى.
تۇتاستاي العاندا، دايىندالعان قۇجاتتا ولاردىڭ ساپالى ىسكە اسىرىلۋى جاعدايىندا ءبىزدىڭ قوعامداعى سىبايلاس جەمقورلىقتى جويۋعا ىقپال ەتۋگە قابىلەتتى شارالار بار دەپ ايتۋعا بولادى.
ازاماتتارعا، كاسىپكەرلەرگە، ۇەۇ-عا كومەك تۇجىرىمدامانى ىسكە اسىرۋدىڭ بۇكىل مەرزىمى ىشىندە پايدالى بولادى.
الماتى وبلىسى بويىنشا سىبايلاس جەمقورلىققا قارسى قىزمەت
