بۇگىنگى وتكەن ۇكىمەت وتىرىسىندا قر دەنساۋلىق ساقتاۋ ءمينيسترى اجار عينيات ەلىمىزدەگى ەپيدەميولوگيالىق احۋالدى بايانداي كەلە، جاقىن بايلانىستا بولعان جانە سيپتومسىز ناۋقاستار ءۇشىن كارانتين مەرزىمى قىسقارتىلعانىن مالىمدەدى.
«جاقىن بايلانىستا بولعان جانە سيپتومسىز ناۋقاستار ءۇشىن كارانتين مەرزىمى 14-تەن 10 كۇنگە دەيىن قىسقارتىلدى. بۇل رەتتە 7 تاۋلىكتەن كەيىن پتر-زەرتتەۋدىڭ تەرىس ناتيجەسى بولعان كەزدە كارانتين اياقتالادى. ەگەر قانداي دا ءبىر سەبەپتەرمەن 7 تاۋلىككە ارنالعان پتر-تەست تاپسىرىلماسا، وندا كارانتين تەستتى قوسىمشا تاپسىرۋسىز 10-شى كۇنى اياقتالادى»، - دەدى مينيستر.
سەلەكتورلىق جيىنعا قاتىسقان شىمكەنت قالاسىنىڭ اكىمى م.ايتەنوۆ ۆەدومستۆو باسشىسىنىڭ تاپسىرمالارىنان سوڭ باسقارما باسشىلارى جانە اۋدان اكىمدەرىمەن قالاداعى ەپيداحۋالدى تالقىلادى. دەنساۋلىق ساقتاۋ باسقارماسىنىڭ باسشىسى ب.پوزيلوۆ شىمكەنت قالاسىندا جىل باسىنان بەرى كوروناۆيرۋس جۇقتىرعان سانى 5420-عا جەتكەنىن، ەمدەلىپ شىققان ناۋقاستاردىڭ سانى 451, وكىنىشكە وراي 20 ناۋقاس قايتىس بولعانىن ايتتى. الدىڭعىعا قاراعاندا بۇل اپتادا ۆيرۋس جۇقتىرۋشىلار سانىنىڭ ازايعانىن كورۋگە بولادى. وتكەن تاۋلىكتە COVID-19 ينفەكتسياسىن جۇقتىرۋدىڭ 85 جاعدايى تىركەلدى.
بۇگىنگە 4 949 ناۋقاس ەمدەلىپ جاتىر، ونىڭ ىشىندە ستاتسيوناردا 394 ناۋقاس، 4 555 ناۋقاس ءۇي جاعدايىندا امبۋلاتورلىق ەم قابىلداۋدا. ينفەكتسيالىق ستاتسيونارلار كوۆيدتىڭ ىقتيمال تولقىنىنا ءۇش ستسەناري بويىنشا دايىندىق جۇرگىزىلگەن بولاتىن. قالادا 828 توسەك-ورىن جاساقتالىپ تۇر. قازىرگى تاڭدا 394 ازامات ستاتسيونارلىق ەمدەلۋدە. توسەك-ورىن تولىمدىلىعى 47% قۇرايدى، 434 توسەك ورىن بوس. جانساقتاۋ بولىمىندە 131 توسەك ورىن بار، وندا 48 ازامات ەم قابىلداۋدا، 83 توسەك ورىن بوس. تولىمدىلىق – 36 پايىز.
قالادا 45 ەكپە ەگۋ بەكەتى بار. 1-ءشى كومپونەنتپەن 594 774 ادام، 2-ءشى كومپونەنتپەن 581 276 ادام ەگىلدى. ءتيىستى كونتينگەنتتىڭ (596205 ادام) 1-ءشى كومپونەنتپەن 99,8%، 2 كومپونەنتپەن 97,5% ۆاكتسيناتسيالاندى.
«Pfizer-BioNTech» ۆاكتسيناسىنىڭ 1-ءشى كومپونەنتىمەن 32 622 ادام ەگىلدى، 2-ءشى كومپونەنتىمەن 14 067 ادام ەگىلدى. ءۇشىنشى دوزاسىمەن 72 230 ادام رەۆاكتسيناتسيالاندى.
41ەمحانادا 164 ءموبيلدى بريگادا جاساقتالىپ، ولار ءۇي جاعدايىندا ەم قابىلداپ جاتقان 4 555 ناۋقاس پەن كوروناۆيرۋس جۇقتىرعاندارمەن قارىم-قاتىناستا بولعان 9 632 ادامعا مەديتسينالىق قىزمەت كورسەتۋدە.
كارانتين رەجيمىن ساقتاۋ بويىنشا جىلدىڭ باسىنان مونيتورينگتىك توپتار 746 وبەكتىدە رەيدتىك ءىس-شارالار جۇرگىزدى، ناتيجەسىندە 12 حاتتاما تولتىرىلدى جانە1 ملن.تەڭگە سوماسىنا ايىپپۇل سالىندى.
قالا اكىمى ءموبيلدى بريگادالاردىڭ جۇمىسىن كۇشەيتۋدى، اۋدان اكىمدەرىنە مونيتورينگتىك توپتارمەن بىرگە تەكسەرۋ جۇمىستارىن جۇرگىزىپ، كارانتين تالاپتارىنىڭ قاتاڭ ساقتالۋىن باقىلاۋدى تاپسىردى. وميكرون شتامىنىڭ تەز تارالۋ قاۋپىنە وراي بارىنشا ساقتىق شارالارىن كۇشەيتۋ قاجەتتىگىن ايتتى.
شىمكەنت قالاسى اكىمدىگىنىڭ ءباسپاسوز قىزمەتى
