قارۋلى كۇشتەر ارنايى وپەراتسيالار كۇشتەرىنىڭ قولباسشىلىعى قۇرىلدى

جارلىق قول قويىلعان كۇننەن باستاپ كۇشىنە ەنەدى. جاڭا قۇرىلىم ەلدىڭ ۇلتتىق قاۋىپسىزدىگى جۇيەسى قىزمەتىن جەتىلدىرۋدى قامتاماسىز ەتەدى.

قازاقستان رەسپۋبليكاسى پرەزيدەنتىنىڭ جارلىعى

قازاقستان رەسپۋبليكاسىنىڭ قارۋلى كۇشتەرى ارنايى وپەراتسيالار كۇشتەرىنىڭ قولباسشىلىعىن قۇرۋ تۋرالى قازاقستان رەسپۋبليكاسىنىڭ ۇلتتىق قاۋىپسىزدىگىن قامتاماسىز ەتۋ جۇيەسىن جەتىلدىرۋ ماقساتىندا قاۋلى ەتەمىن:

1. قازاقستان رەسپۋبليكاسىنىڭ قارۋلى كۇشتەرى ارنايى وپەراتسيالار كۇشتەرىنىڭ قولباسشىلىعى قۇرىلسىن.

2. قازاقستان رەسپۋبليكاسى پرەزيدەنتىنىڭ كەيبىر اكتىلەرىنە ەنگىزىلەتىن، قوسا بەرىلىپ وتىرعان وزگەرىستەر مەن تولىقتىرۋلار بەكىتىلسىن.

3. قازاقستان رەسپۋبليكاسىنىڭ ۇكىمەتى وسى جارلىقتان تۋىندايتىن شارالاردى قابىلداسىن.

4. وسى جارلىقتىڭ ورىندالۋىن باقىلاۋ قازاقستان رەسپۋبليكاسى پرەزيدەنتىنىڭ اكىمشىلىگىنە جۇكتەلسىن.

5. وسى جارلىق قول قويىلعان كۇنىنەن باستاپ قولدانىسقا ەنگىزىلەدى.

قازاقستان رەسپۋبيكاسىنىڭ پرەزيدەنتى ق.توقاەۆ

نۇر-سۇلتان، اقوردا، 2022 جىلعى 19 قاڭتار

№ 779