الماتىدا جاپپاي تارتىپسىزدىك سالدارىنان زارداپ شەككەن ازاماتتارعا وتەماقى تولەنەدى. بۇل تۋرالى الماتى قالاسى اكىمىنىڭ ورىنباسارى ءىلياس وسەروۆ ايتتى، دەپ حابارلايدى "ادىرنا" ۇلتتىق پورتالى.
الماتىدا تارتىپسىزدىك كەزىندە مەملەكەتتىك ورگان، اۋرۋحانالار مەن باق-تىڭ 603 قىزمەتكەرى زارداپ شەككەن.
ونىڭ ىشىندە، قۇقىق قورعاۋ ورگاندارىنىڭ – 592, توتەنشە جاعدايلار دەپارتامەنتىنىڭ – 1, جەرگىلىكتى اتقارۋشى ورگانداردىڭ – 3, «الماتى» تەلەارناسىنىڭ – 1, مەديتسينالىق ۇيىمداردىڭ 6 قىزمەتكەرى بار. بارلىعىنا وتەماقى تولەنەدى.
اۋىر جاراقات العاندار – 2 ملن تەڭگە، ورتاشا دارەجەدە – 1 ملن تەڭگە، جەڭىل جارالانعاندارعا 500 مىڭ تەڭگە تولەنەدى.
سونداي-اق قالادا توتەنشە جاعداي كەزىندە جۇمىس ىستەگەن پوليتسيا دەپارتامەنتىنىڭ – 3878, توتەنشە جاعدايلار دەپارتامەنتىنىڭ – 1207, قوعامدىق دەنساۋلىق باسقارماسىنىڭ – 3888 جانە 93 قۇتقارۋشىعا 100 مىڭ تەڭگەدەن قارجىلاي كومەك بەرىلەدى.
بۇگىننەن باستاپ تولەماقىعا ءتيىستى قۇجاتتار قازىناعا جىبەرىلىپ، تۇستەن كەيىن العاشقى تولەمدەر جاسالادى.
"ادىرنا" ۇلتتىق پورتالى
