تۇركيا پرەزيدەنتى رەجەپ تايىپ ەردوعان يزرايل كارديولوگىنان مەديتسينالىق كەڭەس الىپ ءجۇر. بۇل تۋرالى «ەديوت احرونوت» گازەتىنىڭ اعىلشىن تىلىندەگى ينتەرنەت-باسىلىمى جازدى، دەپ حابارلايدى «ادىرنا» ءتىلشىسى.
باسىلىمنىڭ مالىمەتىنشە، قازىرگى تاڭدا تەل-اۆيۆتەگى سۋراسكي اتىنداعى مەديتسينالىق ورتالىقتىڭ باس ديرەكتورىنىڭ ورىنباسارى پروفەسسور يتسحاك شاپيرا باسشىنىڭ دەنساۋلىعىن باقىلاۋعا العان.
«ول جوعارى بىلىكتى كارديولوگ، بۇل تۇرىك كوشباسشىسىنىڭ جۇرەك پروبلەمالارى بار ەكەنىن كورسەتۋى مۇمكىن. بىراق بۇل بولجامدى راستايتىن رەسمي اقپارات جوق»، — دەپ جازدى شەتەلدىك باق.
«ادىرنا» ۇلتتىق پورتالى
