ىشكى ىستەر ءمينيسترى ەرلان تۇرعىمباەۆ پرەزيدەنتكە ەلىمىزدىڭ بارلىق وڭىرىندە جۇرگىزىلىپ جاتقان «قۇقىقتىق ءتارتىپ» دەپ اتالاتىن شۇعىل الدىن الۋ شارالارىنىڭ جۇزەگە اسىرىلۋ بارىسى تۋرالى باياندادى، دەپ حابارلايدى «ادىرنا» ءتىلشىسى اقورداعا سىلتەمە جاساپ.
حالىقتان زاڭسىز ساقتاپ وتىرعان قارۋلارىن الۋ ءىسى جالعاسۋدا. ۆەدومستۆونىڭ مالىمەتى بويىنشا تەرروريزم، كىسى ءولتىرۋ، بيلىك وكىلدەرىنە زورلىق-زومبىلىق كورسەتۋ، بۇزاقىلىق، مەملەكەتتىك ورگانداردىڭ عيماراتتارىنا شابۋىل جاساۋ جانە باسقا دا قىلمىستار بويىنشا 1 822 قىلمىستىق ءىس قوزعالعان. ونىڭ 116-سى ارناۋلى پروكۋرورلارعا جولدانعان. ءىىم جەكە قاۋىپسىزدىك دەپارتامەنتى جانىنان سەنىم تەلەفونى ىسكە قوسىلعان.
ءمينيستردىڭ ايتۋىنشا، ۇستالعان ازاماتتاردىڭ كونستيتۋتسيالىق قۇقىقتارىنىڭ بۇزىلۋىنا جول بەرمەۋ ماقساتىندا قۇقىق قورعاۋ ۇيىمدارىمەن تىعىز ىقپالداستىق ورناتىلعان.
«ادىرنا» ۇلتتىق پورتالى
