Ishki ister mınıstri Erlan Turǵymbaev Prezıdentke elimizdiń barlyq óńirinde júrgizilip jatqan «Quqyqtyq tártip» dep atalatyn shuǵyl aldyn alý sharalarynyń júzege asyrylý barysy týraly baıandady, dep habarlaıdy «Adyrna» tilshisi Aqordaǵa silteme jasap.
Halyqtan zańsyz saqtap otyrǵan qarýlaryn alý isi jalǵasýda. Vedomstvonyń málimeti boıynsha terrorızm, kisi óltirý, bılik ókilderine zorlyq-zombylyq kórsetý, buzaqylyq, memlekettik organdardyń ǵımarattaryna shabýyl jasaý jáne basqa da qylmystar boıynsha 1 822 qylmystyq is qozǵalǵan. Onyń 116-sy arnaýly prokýrorlarǵa joldanǵan. IIM jeke qaýipsizdik departamenti janynan senim telefony iske qosylǵan.
Mınıstrdiń aıtýynsha, ustalǵan azamattardyń konstıtýııalyq quqyqtarynyń buzylýyna jol bermeý maqsatynda quqyq qorǵaý uıymdarymen tyǵyz yqpaldastyq ornatylǵan.
«Adyrna» ulttyq portaly
