بۇگىن شىمكەنت قالاسىنىڭ اكىمى مۇرات ايتەنوۆ ءبىلىم بەرۋ ۇيىمدارىنداعى سانيتارلىق تالاپتاردىڭ ورىندالۋى مەن وفلاين رەجيمىنە ءوتۋ دايىندىعىن باقىلاۋ ماقساتىندا №135 جالپى ورتا مەكتەپكە باردى.
بۇل مەكتەپتە ءبىلىم الاتىن 1500-دەن استام وقۋشى ەكى اۋىسىمدا وقيدى. ءبىلىم وشاعىندا ساباقتار يكەمدى كەستەگە سايكەس ۇيىمداستىرىلادى. مەكتەپ سانيتارلىق تالاپتارعا ساي.
مەديتسينالىق قورعانىس قۇرالدارىن پايدالانۋ – بۇگىنگى كۇننىڭ باستى تالابى ەكەنىن ايتقان قالا باسشىسى كارانتين تالاپتارى ساقتالماسا قاۋىپتى ىندەتتىڭ ودا ءارى ءورشي تۇسەتىنىن ايتتى. سونىمەن بىرگە شتاتتىق رەجيمدە وقۋ پروتسەسىن جۇيەلى ۇيىمداستىرۋدى تاپسىردى.
ايتا كەتسەك، قالادا وقىتۋ ءبىلىم الۋشىلار سانى 600-دەن اساتىن باستاۋىش، نەگىزگى جانە جالپى ورتا ءبىلىم بەرەتىن مەكتەپتەردە وقىتۋ ءبىر اۋىسىمدا تولىمدىلىعى 50 پايىزدان اسپايتىن وقۋشىمەن شتاتتىق فورماتتا جۇرگىزىلەدى.
شىمكەنت قالاسى اكىمدىگىنىڭ ءباسپاسوز قىزمەتى
