ابايلاردىڭ سانى 18 مىڭنان اساتىنى حابارلاندى

قازاقستاندا اباي كۇنىنە وراي ۇلتتىق ستاتيستيكا بيۋروسى اقىن ەسىمىمەن اتتاس قازاقستاندىقتار تۋرالى دەرەكتەردى ۇسىندى، دەپ حابارلايدى Sputnik قازاقستان "بۇگىندە قازاقستاندا اباي ەسىمدى 18 452 ادام تۇرادى. اقىنمەن اتتاس تۇرعىندار سانى تۇركىستان وبلىسىندا كوپ كەزدەسەدى. مۇندا 2050 ادام تۇرادى", - دەلىنگەن بيۋرو حابارلاماسىندا. سونداي-اق ۇلى اقىننىڭ ەسىمى بەرىلگەن ادام سانى جاعىنان ەكىنشى ورىندا – استانا. ەلوردادا ۇلى ويشىلدىڭ اتىن ارقالاعان 1930 ادام تۇرادى. العاشقى ۇشتىكتى اباي ەسىمدى 1 588 ادام تۇراتىن الماتى وبلىسى تۇيىندەيدى. ويشىل ەسىمى بار تۇرعىندار سانى ۇلىتاۋ وڭىرىندە وتە از. مۇندا نەبارى اباي ەسىمدى 194 ادام تۇرادى. اقىننىڭ تۋعان ولكەسىندە (اباي وبلىسىندا) 238 ادام تۇرادى. جاس قۇرامىن قاراساق، اباي ەسىمدى 17 جاسقا دەيىنگى 4297 بالا بار، ال 18 بەن 44 جاس ارالىعىندا – 8231 ادام.