قاسىم-جومارت توقاەۆ حالىقتىڭ تەڭ جارتىسىنىڭ تابىسى 50 مىڭ تەڭگەدەن اسپايتىنىن جانە جاعدايدى شۇعىل وزگەرتۋ كەرەك ەكەنىن ايتتى، - دەپ حابارلايدى “ادىرنا” ۇلتتىق پورتالى.
توقاەۆ ۇلتتىق تابىس بويىنشا 2020 جىلى بيزنەس ەڭ جوعارى ۇلەسكە يە ەكەنىن ايتتى. ول 61,5 پايىز بولادى. سالىقتىڭ ۇلەسى 7,3 پايىزدى قۇراسا، قازاقستاندىقتاردىڭ جالاقىسى ۇشتەن ءبىر بولىگىنە دە جەتپەيدى.
"بۇل وتە از. مىسالى، رەسەيدە وسىنداي ەكونوميكا بولعانىنا قاراماستان، جالاقى 46,7 پايىز بولادى، ياعني بىزدەن 1,5 ەسە كوپ. ۇلتتىق تابىستى ءبولۋدىڭ ايقىن تەڭگەرىمسىزدىگى بايقالادى ءارى ادىلدىك جاعىنان ماسەلە بار.
حالىقارالىق ساراپشىلار، سونىڭ ىشىندە KPMG, 162 ادامعا بايلىقتىڭ تەڭ جارتىسى تيەسىلى ەكەنىن راستايدى. ال حالىقتىڭ جارتىسىندا كىرىس 50 مىڭ تەڭگەدەن اسپايدى. بۇل جىلىنا 1300 دوللاردان ءسال اسادى. مۇنداي تابىسقا ءومىر ءسۇرۋ مۇمكىن ەمەس، جاعدايدى شۇعىل تۇردە وزگەرتۋ كەرەك", - دەدى پرەزيدەنت بيزنەس وكىلدەرىمەن كەزدەسۋدە.
“ادىرنا” ۇلتتىق پورتالى
