ۋكراينا پرەزيدەنتى ۆلاديمير زەلەنسكي حالقىنا "رەسەيمەن اقپاراتتىق سوعىس بولۋى مۇمكىن" اتتى ۇندەۋ جولدادى، دەپ حابارلايدى “ادىرنا” ۇلتتىق پورتالى ريا نوۆوستيگە سىلتەمە جاساپ.
"ەش بايبالامسىز. ۋكراينا مەن الەمگە دەگەن سەنىممەن" اتتى جازبا ۋكراينا باسشىسىنىڭ رەسمي سايتىندا جاريالاندى.
زەلەنسكيدىڭ ايتۋىنشا، اقپاراتتىق الاڭدا رەسەيمەن قاقتىعىس بولۋى مۇمكىن دەگەن سىندى حابارلار كوپتەپ تاراۋدا.
پرەزيدەنت ونداي "قاۋىپتىڭ" كەشە پايدا بولماعانىن جانە بۇرىنعىدان ارتپاعانىن اتاپ ءوتتى. ول ۋكراينداردى جالعان اقپاراتقا سەنبەۋگە، وعان بولا بايبالام سالماۋعا شاقىردى.
"سوعىس سەگىز جىلدان بەرى بولىپ كەلە جاتىر. قازىر دۇرلىگىپ، قىسىمدى ارتتىرىپ، قاراقۇمىق پەن سىرىڭكە ساتىپ الاتىن ۋاقىت ەمەس", - دەدى ۋكراين باسشىسى.
ول ۋكراينا حالقىن، اسىرەسە قارتتاردى "تەرەڭ تىنىس الىپ، سابىرلى بولۋعا", ال باق وكىلدەرىن جاپپاي دۇرلىكتىرۋدىڭ قۇرالى بولماۋعا شاقىردى.
“ادىرنا” ۇلتتىق پورتالى
