Ýkraına prezıdenti Vladımır Zelenskıı halqyna "Reseımen aqparattyq soǵys bolýy múmkin" atty úndeý joldady, dep habarlaıdy “Adyrna” ulttyq portaly RIA Novostıge silteme jasap.
"Esh baıbalamsyz. Ýkraına men álemge degen senimmen" atty jazba Ýkraına basshysynyń resmı saıtynda jarııalandy.
Zelenskııdiń aıtýynsha, aqparattyq alańda Reseımen qaqtyǵys bolýy múmkin degen syndy habarlar kóptep taraýda.
Prezıdent ondaı "qaýiptiń" keshe paıda bolmaǵanyn jáne burynǵydan artpaǵanyn atap ótti. Ol ýkraındardy jalǵan aqparatqa senbeýge, oǵan bola baıbalam salmaýǵa shaqyrdy.
"Soǵys segiz jyldan beri bolyp kele jatyr. Qazir dúrligip, qysymdy arttyryp, qaraqumyq pen sirińke satyp alatyn ýaqyt emes", - dedi ýkraın basshysy.
Ol Ýkraına halqyn, ásirese qarttardy "tereń tynys alyp, sabyrly bolýǵa", al BAQ ókilderin jappaı dúrliktirýdiń quraly bolmaýǵa shaqyrdy.
“Adyrna” ulttyq portaly
