بۇگىن شىمكەنت قالاسىنىڭ اكىمى مۇرات ايتەنوۆ تۇرعىنداردى جەكە ماسەلەلەرى بويىنشا ونلاين رەجيمدە قابىلدادى. قابىلداۋعا جازىلعان 11 ازامات ينفراقۇرىلىم تارتۋ، باسپانا الۋ، جول سالۋ، قوعامدىق كولىك جۇرگiزۋ مەن ايالداما ورناتۋ، كوشەلەردى جارىقتاندىرۋ جانە جەر تەلiمiن زاڭداستىرۋ سىندى ماسەلەلەردi كوتەردi.
ازاماتتاردىڭ وتىنىشتەرى مەن ارىز-شاعىمدارىن جاۋاپتى سالا باسشىلارىمەن بiرگە مۇقيات تىڭداعان مۇرات ايتەنوۆ ايتىلعان ماسەلەلەر نازارعا الىنىپ، زاڭ اياسىندا ورىندالاتىنىن ءتۇسiندiردi. جاۋاپتى تۇلعالارعا (باسقارما باسشىلارى مەن اۋدان اكىمدەرىنە) ءوز قۇزىرەتتەرى شەگiندە ايتىلعان جايتتاردى شەشۋگە قاتىستى بiرقاتار تاپسىرمالار بەردى.
قابىلداۋدا باسپانا سۇراعان ازاماتتارعا كەزەككە تۇرۋ قاجەتتiلiگi ايتىلىپ، جەر تەلiمدەرiن زاڭداستىرۋ بويىنشا ماسەلەلەردiڭ زاڭدى تۇرعىدان شەشىلۋىنە بايلانىستى ناقتىلى باعىت-باعدار بەرiلدى.
شىمكەنت قالاسى اكىمدىگىنىڭ ءباسپاسوز قىزمەتى
