ۇقشۇ بىتىمگەرلەرىنىڭ سوڭعى پارتياسى قازاقستاننان كەتتى

1398
Adyrna.kz Telegram

رف اسكەري-كولىك اۆياتسياسىنىڭ سوڭعى ءتورت ۇشاعى قازاقستاننان رەسەيگە ۇشىپ كەتتى،. ىشىندە ۇقشۇ كۇشتەرى مەن بىتىمگەرلەر جەتەكشىسى بار، دەپ حابارلادى ريا نوۆوستي رەسەي قورعانىس مينيسترلىگىنە سىلتەمە جاساپ.

وسى ءتورت ۇشاقپەن گەنەرال-پولكوۆنيك اندرەي سەرديۋكوۆ باستاعان بىتىمگەرلەردىڭ سوڭعى بولىمشەلەرى مەن بىتىمگەرشىلىك كونتينگەنتىنىڭ قولباسشىلىعى ۇيلەرىنە ورالعان.

"بورتتا بىتىمگەرلەرى بار رەسەيدىڭ اسكەري-كولىك اۆياتسياسىنىڭ ءتورت ۇشاعى قازاقستاننىڭ نۇر-سۇلتان جانە الماتى اۋەجايلارىنان ۇشىپ شىقتى", - دەلىنگەن حابارلامادا.

بۇعان دەيىن رەسەيدىڭ اسكەري-كولىك اۆياتسياسىنىڭ ۇشاقتارىمەن ارمەنيا، بەلارۋس، تاجىكستاننىڭ بىتىمگەرشىلىك كونتينگەنتتەرى ۇيلەرىنە قايتقان.

قىرعىزستاننان كەلگەن بىتىمگەرلەر شتاتتىق تەحنيكا مەن قارۋ-جاراقپەن كولوننا قۇرامىندا شەرۋ جاساپ، ۇيلەرىنە ورالدى.

 

پىكىرلەر